4. Andhakavindasuttavaṇṇanā
114. Catutthe sīlavā hothāti sīlavantā hotha .
Ārakkhasatinoti dvārarakkhikāya satiyā samannāgatā .
Nipakkasatinoti dvārarakkhanakeneva ñāṇena samannāgatassatino .
Satārakkhena cetasā samannāgatāti satārakkhena cittena samannāgatā .
Appabhassāti appakathā .
Sammādiṭṭhikāti kammassakatajjhāna-vipassanāmagga-phalavasena pañcavidhāya sammādiṭṭhiyā samannāgatā .
Apica paccavekkhaṇañāṇampi sammādiṭṭhiyevāti veditabbā .