23. Anolokiyaniddesavaṇṇanā
181. Sārattoti saṃratto , sañjātarāgacittoti attho .
Itthiyāti tadahujātāyapi paṭasatanivatthāya anokāsupanijjhāyane antamaso tiracchānagatānampi dukkaṭameva .
Bhikkhādāyiyāti upalakkhaṇamattaṃ , itthī vā hotu puriso vā , bhikkhādānasamaye asārattenāpi mukhaṃ
M0.340 na ulloketabbaṃ .Ujjhānaṃ lāmakato saṃcintanaṃ , kopo , tattha saññā assāti
V0.289 ujjhānasaññī .Idha pana gilānopi na muccati .
Ādāse udakapatteti iminā sesesu kaṃsapattādīsu kañjiyādīsu ca mukhanimittaṃ paññāyati , tesaṃ saṅgaho .
‘‘ Sañchavi nu kho me vaṇṇo , no , jiṇṇo nu khomhi , no ’’ ti pana oloketuṃ vaṭṭati .
Assāti bhikkhuno .
Anolokiyaniddesavaṇṇanā niṭṭhitā .