Phusso buddho
Tassa
M1.51 aparabhāge phusso nāma satthā udapādi .Tassāpi tayo sāvakasannipātā .
Paṭhamasannipāte saṭṭhi bhikkhusatasahassāni ahesuṃ , dutiye paṇṇāsa , tatiye dvattiṃsa .
Tadā bodhisatto vijitāvī nāma khattiyo hutvā mahārajjaṃ pahāya satthu santike pabbajitvā tīṇi piṭakāni uggahetvā mahājanassa dhammakathaṃ kathesi , sīlapāramiñca pūresi .
Sopi naṃ ‘‘ buddho bhavissatī ’’ ti byākāsi .
Tassa bhagavato kāsi nāma nagaraṃ ahosi , jayaseno nāma rājā pitā , sirimā nāma mātā , surakkhito ca dhammaseno ca dve aggasāvakā , sabhiyo nāmupaṭṭhāko , cālā ca upacālā ca dve aggasāvikā , āmalakarukkho bodhi , sarīraṃ aṭṭhapaṇṇāsahatthubbedhaṃ ahosi , navuti vassasahassāni āyūti .
‘‘ Tattheva
P0.45 maṇḍakappamhi , ahu satthā anuttaro ;Anūpamo asamasamo , phusso lokagganāyako ’’ ti .( bu . vaṃ .20.1);