Koṇāgamano buddho
Tassa
V1.56P0.47 aparabhāge koṇāgamano nāma satthā udapādi .Tassāpi ekova sāvakasannipāto , tattha tiṃsa bhikkhusahassāni ahesuṃ .
Tadā bodhisatto pabbato nāma rājā hutvā amaccagaṇaparivuto satthu santikaṃ gantvā dhammadesanaṃ sutvā buddhappamukhaṃ bhikkhusaṅghaṃ nimantetvā mahādānaṃ pavattetvā pattuṇṇacīnapaṭakoseyyakambaladukūlāni ceva suvaṇṇapaṭikañca datvā satthu santike pabbaji .
Sopi naṃ satthā ‘‘ buddho bhavissatī ’’ ti byākāsi .
Tassa bhagavato sobhavatī nāma nagaraṃ ahosi , yaññadatto nāma brāhmaṇo pitā , uttarā nāma brāhmaṇī mātā , bhiyyaso ca uttaro ca dve aggasāvakā , sotthijo nāmupaṭṭhāko , samuddā ca uttarā ca dve aggasāvikā , udumbararukkho bodhi , sarīraṃ tiṃsahatthubbedhaṃ ahosi , tiṃsa vassasahassāni āyūti .
‘‘ Kakusandhassa aparena , sambuddho dvipaduttamo ;
Koṇāgamano nāma jino , lokajeṭṭho narāsabho ’’ ti .( bu . vaṃ .25.1);