Nikkhepakāraṇaṃ
Idāni
V0.173 yadidaṃ tirokuṭṭānantaraṃ ‘‘ nidhiṃ nidheti puriso ’’ tiādinā nidhikaṇḍaṃ nikkhittaṃ , tassa –‘‘ Bhāsitvā
M0.183 nidhikaṇḍassa , idha nikkhepakāraṇaṃ ;Aṭṭhuppattiñca dīpetvā , karissāmatthavaṇṇanaṃ ’’.
Tattha idha nikkhepakāraṇaṃ tāvassa evaṃ veditabbaṃ .
Idañhi nidhikaṇḍaṃ bhagavatā iminā anukkamena avuttampi yasmā anumodanavasena vuttassa tirokuṭṭassa mithunabhūtaṃ , tasmā idha nikkhittaṃ .
Tirokuṭṭena vā puññavirahitānaṃ vipattiṃ dassetvā iminā katapuññānaṃ sampattidassanatthampi idaṃ idha nikkhittanti veditabbaṃ .
Idamassa idha nikkhepakāraṇaṃ .