Sattamagāthāvaṇṇanā
7. Evaṃ
V0.201M0.212 ahitadukkhānāgamapatthanāvasena atthato mettābhāvanaṃ dassetvā idāni tameva upamāya dassento āha ‘‘ mātā yathā niyaṃputtan ’’ ti .Tassattho – yathā mātā niyaṃ puttaṃ attani jātaṃ orasaṃ puttaṃ , tañca ekaputtameva āyusā anurakkhe , tassa dukkhāgamappaṭibāhanatthaṃ attano āyumpi cajitvā taṃ anurakkhe , evampi sabbabhūtesu idaṃ mettākhyaṃ mānasaṃ bhāvaye , punappunaṃ janaye vaḍḍhaye , tañca aparimāṇasattārammaṇavasena ekasmiṃ vā satte anavasesapharaṇavasena aparimāṇaṃ bhāvayeti .