1. Upayasuttavaṇṇanā
53. Upayavaggassa
V2.241 paṭhame upayoti taṇhāmānadiṭṭhivasena pañcakkhandhe upagato .Viññāṇan ti kammaviññāṇaṃ .
Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya .
Viññāṇupayan ti padassa aggahaṇe kāraṇaṃ vuttameva .
Vocchijjatārammaṇan ti
P2.272 paṭisandhiākaḍḍhanasamatthatāya abhāvena ārammaṇaṃ vocchijjati .Patiṭṭhā viññāṇassāti kammaviññāṇassa patiṭṭhā na hoti .
Tadappatiṭṭhitan ti taṃ appatiṭṭhitaṃ .
Anabhisaṅkhacca vimuttan ti paṭisandhiṃ anabhisaṅkharitvā vimuttaṃ .
Paṭhamaṃ .