1. Paṭhamavaggo
1. Mārasuttavaṇṇanā
160. Rādhasaṃyuttassa
V2.297M2.308 paṭhame māro vā assāti maraṇaṃ vā bhaveyya .Māretā vāti māretabbo vā .
Yo vā pana mīyatīti yo vā pana marati .
Nibbidatthan ti nibbidāñāṇatthaṃ .
Nibbānatthāti phalavimutti nāmesā anupādānibbānatthāti attho .
Accayāsīti
P2.336 atikkantosi .Nibbānogadhan ti nibbāne patiṭṭhitaṃ .
Idaṃ maggabrahmacariyaṃ nāma nibbānabbhantare vussati , na nibbānaṃ atikkamitvāti attho .
Nibbānapariyosānan ti nibbānaṃ assa pariyosānaṃ , nipphatti niṭṭhāti attho .
Paṭhamaṃ .
2-10.Sattasuttādivaṇṇanā
161-169.
Dutiye satto sattoti laggapucchā .
Tatra satto tatra visattoti tatra laggo tatra vilaggo .
Paṃsvāgārakehīti paṃsugharakehi .
Keḷāyantīti kīḷanti .
Dhanāyantīti dhanaṃ viya maññanti .
Mamāyantīti ‘‘ mama idaṃ , mama idan ’’ ti mamattaṃ karonti , aññassa phusitumpi na denti .
Vikīḷaniyaṃ karontīti ‘‘ niṭṭhitā kīḷā ’’ ti te bhindamānā kīḷāvigamaṃ karonti .
Tatiye bhavanettīti bhavarajju .
Catutthaṃ uttānameva .
Pañcamādīsu catūsu cattāri saccāni kathitāni , dvīsu kilesappahānanti .
Dutiyādīni .
Paṭhamo vaggo .