6. Mahākaccānasuttaṃ

Author： _System_Pali_VRI_ @ Administrator

6. Mahākaccānasuttaṃ

26. Tatra kho āyasmā mahākaccāno bhikkhū āmantesi –

‘‘ āvuso bhikkhave ’’ ti .

‘‘ Āvuso ’’ ti kho te bhikkhū āyasmato mahākaccānassa paccassosuṃ .

Āyasmā mahākaccāno etadavoca –

‘‘ acchariyaṃ , āvuso ;

abbhutaṃ , āvuso !

Yāvañcidaṃ tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaṃ visuddhiyā sokaparidevānaṃT3.351 samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya , yadidaṃ cha anussatiṭṭhānāni .

‘‘ Katamāni cha ?

Idhāvuso , ariyasāvako tathāgataṃ anussarati –

‘ itipi so bhagavāV2.33 … pe … satthā devamanussānaṃ buddho bhagavā ’ ti .

Yasmiṃ , āvuso , samaye ariyasāvako tathāgataṃ anussarati nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃP3.315 cittaṃ hoti ;

ujugatamevassa tasmiṃ samaye cittaṃ hoti , nikkhantaṃ muttaṃ vuṭṭhitaṃ gedhamhā .

‘ Gedho ’ ti kho , āvuso , pañcannetaṃ kāmaguṇānaṃ adhivacanaṃ .

Sa kho so , āvuso , ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena .

Idampi kho , āvuso , ārammaṇaṃ karitvā evamidhekacce sattā visuddhidhammā bhavanti .

‘‘ Puna caparaṃ , āvuso , ariyasāvako dhammaṃ anussarati –

‘ svākkhāto bhagavatā dhammo … pe … paccattaṃ veditabbo viññūhī ’ ti .

Yasmiṃ , āvuso , samaye ariyasāvako dhammaṃ anussarati nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃM2.278 cittaṃ hoti ;

ujugatamevassa tasmiṃ samaye cittaṃ hoti , nikkhantaṃ muttaṃ vuṭṭhitaṃ gedhamhā .

‘ Gedho ’ ti kho , āvuso , pañcannetaṃ kāmaguṇānaṃ adhivacanaṃ .

Sa kho so , āvuso , ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjenaT3.352 .

Idampi kho , āvuso , ārammaṇaṃ karitvā evamidhekacce sattā visuddhidhammā bhavanti .

‘‘ Puna caparaṃ , āvuso , ariyasāvako saṅghaṃ anussarati –

‘ suppaṭipanno bhagavato sāvakasaṅgho … pe … anuttaraṃ puññakkhettaṃ lokassā ’ ti .

Yasmiṃ , āvuso , samaye ariyasāvako saṅghaṃ anussarati nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti , nikkhantaṃ muttaṃ vuṭṭhitaṃ gedhamhā .

‘ Gedho ’ ti kho , āvuso , pañcannetaṃ kāmaguṇānaṃ adhivacanaṃ .

Sa kho so , āvuso , ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena .

Idampi kho , āvuso , ārammaṇaṃP3.316 karitvā evamidhekacce sattā visuddhidhammā bhavanti .

‘‘ Puna caparaṃ , āvuso , ariyasāvako attano sīlāni anussarati akhaṇḍāni … pe … samādhisaṃvattanikāni .

Yasmiṃ , āvuso , samaye ariyasāvako attano sīlaṃV2.34 anussarati nevassa tasmiṃ samaye rāgapariyuṭṭhitaṃ cittaṃ hoti , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti , nikkhantaṃ muttaṃ vuṭṭhitaṃ gedhamhā .

‘ Gedho ’ ti kho , āvuso , pañcannetaṃ kāmaguṇānaṃ adhivacanaṃ .

Sa kho so , āvuso , ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena .

Idampi kho , āvuso , ārammaṇaṃ karitvāT3.353 evamidhekacce sattā visuddhidhammā bhavanti .

‘‘ Puna caparaṃ , āvuso , ariyasāvako attano cāgaṃ anussarati –

‘ lābhā vata me , suladdhaṃ vata me … pe … yācayogo dānasaṃvibhāgarato ’ ti .

Yasmiṃ , āvuso , samaye ariyasāvako attano cāgaṃ anussarati nevassa tasmiṃ samaye rāgapariyuṭṭhitaṃ cittaṃ hoti , naM2.279 dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti , nikkhantaṃ muttaṃ vuṭṭhitaṃ gedhamhā .

‘ Gedho ’ ti kho , āvuso , pañcannetaṃ kāmaguṇānaṃ adhivacanaṃ .

Sa kho so , āvuso , ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena .

Idampi kho , āvuso , ārammaṇaṃ karitvā evamidhekacce sattā visuddhidhammā bhavanti .

‘‘ Puna caparaṃ , āvuso , ariyasāvako devatā anussarati –

‘ santi devā cātumahārājikā , santi devā … pe … tatuttari .

Yathārūpāya saddhāya samannāgatā tā devatā ito cutā tattha upapannā ;

mayhampi tathārūpā saddhā saṃvijjatiP3.317 .

Yathārūpena sīlena … pe … sutena … cāgena … paññāya samannāgatā tā devatā ito cutā tattha upapannā ;

mayhampi tathārūpā paññā saṃvijjatī ’ ti .

Yasmiṃ , āvuso , samaye ariyasāvako attano ca tāsañca devatānaṃ saddhañca sīlañca sutañca cāgañca paññañca anussarati nevassa tasmiṃ samaye rāgapariyuṭṭhitaṃ cittaṃ hotiT3.354 , na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti ;

ujugatamevassa tasmiṃ samaye cittaṃ hoti , nikkhantaṃ muttaṃ vuṭṭhitaṃ gedhamhā .

‘ Gedho ’ ti kho , āvuso , pañcannetaṃ kāmaguṇānaṃ adhivacanaṃ .

Sa kho so , āvuso , ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjena .

Idampi kho , āvuso , ārammaṇaṃ karitvā evamidhekacce sattā visuddhidhammā bhavanti .

‘‘ AcchariyaṃV2.35 , āvuso ;

abbhutaṃ , āvuso !

Yāvañcidaṃ tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya , yadidaṃ cha anussatiṭṭhānānī ’’ ti .

Chaṭṭhaṃ .

Issues

Select Version

Chakkanipātapāḷi

Chakkanipātapāḷi