1. Kāyānupassīsuttaṃ
117.‘‘ Cha
T3.500V2.149 , bhikkhave , dhamme appahāya abhabbo kāye kāyānupassī viharituṃ .Katame cha ?
Kammārāmataṃ , bhassārāmataṃ , niddārāmataṃ , saṅgaṇikārāmataṃ , indriyesu aguttadvārataṃ , bhojane amattaññutaṃ .
Ime kho , bhikkhave , cha dhamme appahāya abhabbo kāye kāyānupassī viharituṃ .
‘‘ Cha
P3.450 , bhikkhave , dhamme pahāya bhabbo kāye kāyānupassī viharituṃ .Katame cha ?
Kammārāmataṃ , bhassārāmataṃ , niddārāmataṃ , saṅgaṇikārāmataṃ , indriyesu aguttadvārataṃ , bhojane amattaññutaṃ – ime kho , bhikkhave , cha dhamme pahāya bhabbo kāye kāyānupassī viharitun ’’ ti .
Paṭhamaṃ .