6. Dutiyasandiṭṭhikasuttaṃ
48. Atha kho aññataro brāhmaṇo yena bhagavā tenupasaṅkami ;
upasaṅkamitvā bhagavatā saddhiṃ sammodi .
Sammodanīyaṃ kathaṃ sāraṇīyaṃ vītisāretvā
T3.400 ekamantaṃ nisīdi .Ekamantaṃ nisinno kho so brāhmaṇo bhagavantaṃ etadavoca –
‘‘‘ sandiṭṭhiko dhammo , sandiṭṭhiko dhammo ’ ti , bho gotama , vuccati .
Kittāvatā nu kho , bho gotama , sandiṭṭhiko
P3.358 dhammo hoti akāliko ehipassiko opaneyyiko paccattaṃ veditabbo viññūhī ’’ ti ?‘‘ Tena hi , brāhmaṇa , taññevettha paṭipucchissāmi .
Yathā te khameyya tathā naṃ byākareyyāsi .
Taṃ kiṃ maññasi , brāhmaṇa , santaṃ vā ajjhattaṃ rāgaṃ ‘ atthi me ajjhattaṃ rāgo ’ ti pajānāsi , asantaṃ vā ajjhattaṃ rāgaṃ ‘ natthi me ajjhattaṃ rāgo ’ ti pajānāsī ’’ ti ?
‘‘ Evaṃ , bho ’’.
‘‘ Yaṃ kho tvaṃ , brāhmaṇa , santaṃ vā ajjhattaṃ rāgaṃ ‘ atthi me ajjhattaṃ rāgo ’ ti pajānāsi , asantaṃ vā ajjhattaṃ rāgaṃ ‘ natthi me ajjhattaṃ rāgo ’ ti pajānāsi – evampi kho , brāhmaṇa , sandiṭṭhiko dhammo hoti … pe ….
‘‘ Taṃ kiṃ maññasi , brāhmaṇa , santaṃ vā ajjhattaṃ dosaṃ … pe … santaṃ vā ajjhattaṃ mohaṃ … pe … santaṃ vā ajjhattaṃ kāyasandosaṃ … pe … santaṃ vā ajjhattaṃ vacīsandosaṃ … pe … santaṃ vā ajjhattaṃ manosandosaṃ ‘ atthi me ajjhattaṃ manosandoso ’ ti pajānāsi , asantaṃ vā ajjhattaṃ manosandosaṃ ‘ natthi me ajjhattaṃ manosandoso ’ ti pajānāsī ’’ ti ?
‘‘ Evaṃ , bho ’’.
‘‘ Yaṃ kho tvaṃ , brāhmaṇa , santaṃ vā ajjhattaṃ manosandosaṃ ‘ atthi
V2.72 me ajjhattaṃ manosandoso ’ ti pajānāsi , asantaṃ vā ajjhattaṃ manosandosaṃ ‘ natthi me ajjhattaṃ manosandoso ’ tiM2.315 pajānāsi – evaṃ kho , brāhmaṇa , sandiṭṭhiko dhammo hoti akāliko ehipassiko opaneyyiko paccattaṃ veditabbo viññūhī ’’ ti .‘‘ Abhikkantaṃ
T3.401 , bho gotama , abhikkantaṃ , bho gotama … pe … upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatan ’’ ti .Chaṭṭhaṃ .