8. Attakārīsuttaṃ

Author： _System_Pali_VRI_ @ Administrator

38. Atha kho aññataro brāhmaṇo yena bhagavā tenupasaṅkami ;

upasaṅkamitvā bhagavatā saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho so brāhmaṇo bhagavantaṃM2.297 etadavoca –

‘‘ ahañhi , bho gotama , evaṃvādī evaṃdiṭṭhi –

‘ natthi attakāro , natthi parakāro ’’’ ti .

‘‘ Māhaṃ , brāhmaṇa , evaṃvādiṃ evaṃdiṭṭhiṃ addasaṃ vā assosiṃ vā .

Kathañhi nāmaP3.338 sayaṃ abhikkamanto , sayaṃ paṭikkamanto evaṃ vakkhati –

‘ natthi attakāro , natthi parakāro ’’’ ti !

‘‘ Taṃ kiṃ maññasi , brāhmaṇa , atthi ārabbhadhātū ’’ ti ?

‘‘ Evaṃ , bho ’’.

‘‘ Ārabbhadhātuyā sati ārabbhavanto sattā paññāyantī ’’ ti ?

‘‘ Evaṃ , bho ’’.

‘‘ Yaṃ kho , brāhmaṇa , ārabbhadhātuyā sati ārabbhavanto sattā paññāyanti , ayaṃ sattānaṃ attakāro ayaṃ parakāro ’’.

‘‘ Taṃ kiṃ maññasi , brāhmaṇa , atthi nikkamadhātu … pe … atthi parakkamadhātu … atthi thāmadhātu … atthi ṭhitidhātu … atthi upakkamadhātū ’’ ti ?

‘‘ Evaṃ , bho ’’.

‘‘ Upakkamadhātuyā sati upakkamavanto sattā paññāyantī ’’ ti ?

‘‘ Evaṃ , bho ’’.

‘‘ Yaṃ kho , brāhmaṇa , upakkamadhātuyā sati upakkamavanto sattā paññāyanti , ayaṃ sattānaṃT3.378 attakāro ayaṃ parakāro ’’.

‘‘ Māhaṃ , brāhmaṇa [ taṃ kiṃ maññasi brāhmaṇa māhaṃ ( ka .)], evaṃvādiṃ evaṃdiṭṭhiṃ addasaṃ vā assosiṃ vā .

Kathañhi nāma sayaṃ abhikkamanto sayaṃ paṭikkamanto evaṃ vakkhati –

‘ natthi attakāro natthi parakāro ’’’ ti .

‘‘ Abhikkantaṃ , bho gotama … pe … ajjatagge pāṇupetaṃ saraṇaṃ gatan ’’ ti !

Aṭṭhamaṃ .