2. Phaggunasuttaṃ

English

sāsanāre-သာသနာရေး

မြန်မာဘာသာ

2. Phaggunasuttaṃ

作者： _System_Pali_VRI_ @ Administrator

2. Phaggunasuttaṃ

56. Tena kho pana samayena āyasmā phagguno [ phegguno ( ka .), phagguṇo ( sī . syā .)] ābādhiko hoti dukkhito bāḷhagilāno .

Atha kho āyasmā ānando yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmā ānando bhagavantaṃ etadavoca –

‘‘ āyasmā , bhante , phagguno ābādhiko dukkhito bāḷhagilāno .

Sādhu , bhanteT3.425 , bhagavā yenāyasmā phagguno tenupasaṅkamatu anukampaṃ upādāyā ’’ ti .

Adhivāsesi bhagavā tuṇhībhāvena .

Atha kho bhagavā sāyanhasamayaṃ paṭisallānā vuṭṭhito yenāyasmā phagguno tenupasaṅkami .

Addasā kho āyasmā phagguno bhagavantaṃ dūratova āgacchantaṃ .

Disvāna mañcake samadhosi [ samañcopi ( sī . syā . pī .), saṃ + dhū + ī = samadhosi ].

Atha kho bhagavā āyasmantaṃ phaggunaṃ etadavoca –

‘‘ alaṃ , phagguna , mā tvaṃ mañcake samadhosi .

Santimāni āsanāni parehi paññattāni , tatthāhaṃ nisīdissāmī ’’ ti .

Nisīdi bhagavā paññatte āsane .

Nisajja kho bhagavā āyasmantaṃ phaggunaṃ etadavoca –

‘‘ Kacci te , phagguna , khamanīyaṃ kacci yāpanīyaṃ ?

Kacci te dukkhā vedanā paṭikkamanti , no abhikkamanti ;

paṭikkamosānaṃ paññāyati , no abhikkamo ’’ ti ?

‘‘ Na meV2.90 , bhanteM2.334 , khamanīyaṃ na yāpanīyaṃ .

Bāḷhā me dukkhā vedanā abhikkamanti , no paṭikkamanti ;

abhikkamosānaṃ paññāyati , no paṭikkamo .

‘‘ Seyyathāpi , bhante , balavā puriso tiṇhena sikharena muddhani [ muddhānaṃ ( sī . pī .)] abhimattheyya [ abhimaṭṭheyya ( syā .)];

evamevaṃ kho me , bhante , adhimattā vātā muddhani [ hananti ( sī . pī .), ohananti ( syā .)]P3.380 ūhananti .

Na me , bhante , khamanīyaṃ na yāpanīyaṃ .

Bāḷhā me dukkhā vedanā abhikkamanti , no paṭikkamanti ;

abhikkamosānaṃT3.426 paññāyati , no paṭikkamo .

‘‘ Seyyathāpi , bhante , balavā puriso daḷhena varattakkhaṇḍena sīsaveṭhanaṃ dadeyya ;

evamevaṃ kho me , bhante , adhimattā sīse sīsavedanā .

Na me , bhante , khamanīyaṃ na yāpanīyaṃ .

Bāḷhā me dukkhā vedanā abhikkamanti , no paṭikkamanti ;

abhikkamosānaṃ paññāyati , no paṭikkamo .

‘‘ Seyyathāpi , bhante , dakkho goghātako vā goghātakantevāsī vā tiṇhena govikantanena kucchiṃ parikanteyya ;

evamevaṃ kho me , bhante , adhimattā vātā kucchiṃ parikantanti .

Na me , bhante , khamanīyaṃ na yāpanīyaṃ .

Bāḷhā me dukkhā vedanā abhikkamanti , no paṭikkamanti ;

abhikkamosānaṃ paññāyati , no paṭikkamo .

‘‘ Seyyathāpi , bhante , dve balavanto purisā dubbalataraṃ purisaṃ nānābāhāsu gahetvā aṅgārakāsuyā santāpeyyuṃ samparitāpeyyuṃ ;

evamevaṃ kho me , bhante , adhimatto kāyasmiṃ ḍāho .

Na me , bhante , khamanīyaṃ na yāpanīyaṃ .

Bāḷhā me dukkhā vedanā abhikkamanti , no paṭikkamanti ;

abhikkamosānaṃ paññāyati , no paṭikkamo ’’ ti .

Atha kho bhagavā āyasmantaṃ phaggunaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi .

Atha kho āyasmā phagguno acirapakkantassa bhagavato kālamakāsi .

Tamhi cassa samaye maraṇakāle indriyāni vippasīdiṃsu .

Atha kho āyasmā ānando yena bhagavāP3.381 tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmāV2.91 ānando bhagavantaṃ etadavoca –

‘‘ āyasmā , bhante , phagguno acirapakkantassa bhagavatoM2.335 kālamakāsi .

Tamhi cassa samaye maraṇakāle indriyāni vippasīdiṃsū ’’ ti .

‘‘ Kiṃ hānanda , phaggunassa [ pheggunassa ānanda ( ka .)] bhikkhuno indriyāni na vippasīdissanti !

Phaggunassa , ānanda , bhikkhuno pañcahi orambhāgiyehiT3.427 saṃyojanehi cittaṃ avimuttaṃ ahosi .

Tassa taṃ dhammadesanaṃ sutvā pañcahi orambhāgiyehi saṃyojanehi cittaṃ vimuttaṃ .

‘‘ Chayime , ānanda , ānisaṃsā kālena dhammassavane [ dhammasavaṇe ( sī .)] kālena atthupaparikkhāya .

Katame cha ?

Idhānanda , bhikkhuno pañcahi orambhāgiyehi saṃyojanehi cittaṃ avimuttaṃ hoti .

So tamhi samaye maraṇakāle labhati tathāgataṃ dassanāya .

Tassa tathāgato dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāseti .

Tassa taṃ dhammadesanaṃ sutvā pañcahi orambhāgiyehi saṃyojanehi cittaṃ vimuccati .

Ayaṃ , ānanda , paṭhamo ānisaṃso kālena dhammassavane .

‘‘ Puna caparaṃ , ānanda , bhikkhuno pañcahi orambhāgiyehi saṃyojanehi cittaṃ avimuttaṃ hoti .

So tamhi samaye maraṇakāle na heva kho [ no ca kho ( ka .)] labhati tathāgataṃ dassanāya , api ca kho tathāgatasāvakaṃ labhati dassanāya .

Tassa tathāgatasāvako dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāseti .

Tassa taṃ dhammadesanaṃ sutvā pañcahi orambhāgiyehi saṃyojanehi cittaṃ vimuccati .

Ayaṃ , ānanda , dutiyo ānisaṃso kālena dhammassavane .

‘‘ Puna caparaṃ , ānanda , bhikkhuno pañcahi orambhāgiyehiP3.382 saṃyojanehi cittaṃ avimuttaṃ hoti .

So tamhi samaye maraṇakāle na heva kho labhati tathāgataṃ dassanāya , napi tathāgatasāvakaṃ labhati dassanāya ;

api ca kho yathāsutaṃ yathāpariyattaṃ dhammaṃ cetasā anuvitakketiT3.428 anuvicāreti manasānupekkhati .

Tassa yathāsutaṃ yathāpariyattaṃM2.336 dhammaṃ cetasā anuvitakkayato anuvicārayato manasānupekkhato pañcahi orambhāgiyehi saṃyojanehi cittaṃ vimuccati .

Ayaṃ , ānanda , tatiyo ānisaṃso kālena atthupaparikkhāya .

‘‘ IdhānandaV2.92 , bhikkhuno pañcahi orambhāgiyehi saṃyojanehi cittaṃ vimuttaṃ hoti , anuttare ca kho upadhisaṅkhaye cittaṃ avimuttaṃ hoti .

So tamhi samaye maraṇakāle labhati tathāgataṃ dassanāya .

Tassa tathāgato dhammaṃ deseti ādikalyāṇaṃ majjhekalyāṇaṃ … pe … brahmacariyaṃ pakāseti .

Tassa taṃ dhammadesanaṃ sutvā anuttare upadhisaṅkhaye cittaṃ vimuccati .

Ayaṃ , ānanda , catuttho ānisaṃso kālena dhammassavane .

‘‘ Puna caparaṃ , ānanda , bhikkhuno pañcahi orambhāgiyehi saṃyojanehi cittaṃ vimuttaṃ hoti , anuttare ca kho upadhisaṅkhaye cittaṃ avimuttaṃ hoti .

So tamhi samaye maraṇakāle na heva kho labhati tathāgataṃ dassanāya , api ca kho tathāgatasāvakaṃ labhati dassanāya .

Tassa tathāgatasāvako dhammaṃ deseti ādikalyāṇaṃ … pe … parisuddhaṃ brahmacariyaṃ pakāseti .

Tassa taṃ dhammadesanaṃ sutvā anuttare upadhisaṅkhaye cittaṃ vimuccati .

Ayaṃ , ānanda , pañcamo ānisaṃso kālena dhammassavane .

‘‘ Puna caparaṃ , ānanda , bhikkhuno pañcahi orambhāgiyehi saṃyojanehi cittaṃ vimuttaṃ hoti , anuttareP3.383 ca kho upadhisaṅkhaye cittaṃ avimuttaṃ hoti .

So tamhi samaye maraṇakāle na heva kho labhati tathāgataṃ dassanāya , napi tathāgatasāvakaṃ labhati dassanāya ;

api ca khoT3.429 yathāsutaṃ yathāpariyattaṃ dhammaṃ cetasā anuvitakketi anuvicāreti manasānupekkhati .

Tassa yathāsutaṃ yathāpariyattaṃ dhammaṃ cetasā anuvitakkayato anuvicārayato manasānupekkhato anuttare upadhisaṅkhaye cittaṃ vimuccati .

Ayaṃ , ānanda , chaṭṭho ānisaṃso kālena atthupaparikkhāya .

Ime kho , ānanda , cha ānisaṃsā kālena dhammassavane kālena atthupaparikkhāyā ’’ ti .

Dutiyaṃ .