3. Chaḷabhijātisuttaṃ

57. Ekaṃ samayaṃ bhagavā rājagahe viharati gijjhakūṭe pabbate .

Atha kho āyasmā ānando yena bhagavā tenupasaṅkami ;

upasaṅkamitvā bhagavantaṃM2.337 abhivādetvā ekamantaṃ nisīdi .

Ekamantaṃ nisinno kho āyasmā ānando bhagavantaṃ etadavoca –

‘‘ pūraṇena , bhante , kassapena chaḷabhijātiyo paññattā – kaṇhābhijāti paññattā , nīlābhijāti paññattā , lohitābhijāti paññattā , haliddābhijāti paññattā , sukkābhijāti paññattā , paramasukkābhijāti paññattā .

‘‘ TatridaṃV2.93 , bhante , pūraṇena kassapena kaṇhābhijāti paññattā , orabbhikā sūkarikā sākuṇikā māgavikā luddā macchaghātakā corā coraghātakā bandhanāgārikā ye vā panaññepi keci kurūrakammantā .

‘‘ Tatridaṃ , bhante , pūraṇena kassapena nīlābhijāti paññattā , bhikkhū kaṇṭakavuttikā ye vā panaññepi keci kammavādā kriyavādā .

‘‘ Tatridaṃ , bhante , pūraṇena kassapena lohitābhijāti paññattā , nigaṇṭhā ekasāṭakāP3.384 .

‘‘ Tatridaṃ , bhante , pūraṇena kassapena haliddābhijāti paññattā , gihī odātavasanā acelakasāvakāT3.430 .

‘‘ Tatridaṃ , bhante , pūraṇena kassapena sukkābhijāti paññattā , ājīvakā ājīvakiniyo .

‘‘ Tatridaṃ , bhante , pūraṇena kassapena paramasukkābhijāti paññattā , nando vaccho kiso saṃkicco makkhali gosālo .

Pūraṇena , bhante , kassapena imā chaḷabhijātiyo paññattā ’’ ti .

‘‘ Kiṃ panānanda , pūraṇassa kassapassa sabbo loko etadabbhanujānāti imā chaḷabhijātiyo paññāpetun ’’ ti ?

‘‘ No hetaṃ , bhante ’’.

‘‘ Seyyathāpi , ānanda , puriso daliddo assako anāḷhiko , tassa akāmakassa bilaṃ olaggeyyuṃ –

‘ idaṃ te , ambho purisa , maṃsañca khāditabbaṃ , mūlañca anuppadātabban ’ ti .

Evamevaṃ kho , ānanda , pūraṇena kassapena appaṭiññāya etesaṃ samaṇabrāhmaṇānaṃ imā chaḷabhijātiyo paññattā , yathā taṃ bālena abyattena akhettaññunā akusalena .

‘‘ Ahaṃ kho panānanda , chaḷabhijātiyo paññāpemi .

Taṃ suṇāhi , sādhukaṃ manasi karohi ;

bhāsissāmī ’’ ti .

‘‘ Evaṃ , bhante ’’ ti kho āyasmā ānando bhagavato paccassosi .

Bhagavā etadavoca –

‘‘ katamā cānanda , chaḷabhijātiyoM2.338 ?

Idhānanda , ekacco kaṇhābhijātiyo samānoV2.94 kaṇhaṃ dhammaṃ abhijāyati .

Idha panānanda , ekacco kaṇhābhijātiyo samāno sukkaṃT3.431 dhammaṃ abhijāyati .

Idha panānanda , ekacco kaṇhābhijātiyo samāno akaṇhaṃ asukkaṃ nibbānaṃ abhijāyati .

Idha panānanda , ekacco sukkābhijātiyoP3.385 samāno kaṇhaṃ dhammaṃ abhijāyati .

Idha panānanda , ekacco sukkābhijātiyo samāno sukkaṃ dhammaṃ abhijāyati .

Idha panānanda , ekacco sukkābhijātiyo samāno akaṇhaṃ asukkaṃ nibbānaṃ abhijāyati .

‘‘ Kathañcānanda , kaṇhābhijātiyo samāno kaṇhaṃ dhammaṃ abhijāyati ?

Idhānanda , ekacco nīce kule paccājāto hoti – caṇḍālakule vā nesādakule vā venakule [ veṇakule ( sabbattha )] vā rathakārakule vā pukkusakule vā , dalidde appannapānabhojane kasiravuttike , yattha kasirena ghāsacchādo labbhati .

So ca hoti dubbaṇṇo duddasiko okoṭimako bavhābādho kāṇo vā kuṇī vā khañjo vā pakkhahato vā , na lābhī annassa pānassa vatthassa yānassa mālāgandhavilepanassa seyyāvasathapadīpeyyassa .

So kāyena duccaritaṃ carati , vācāya duccaritaṃ carati , manasā duccaritaṃ carati .

So kāyena duccaritaṃ caritvā , vācāya duccaritaṃ caritvā , manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .

Evaṃ kho , ānanda , kaṇhābhijātiyo samāno kaṇhaṃ dhammaṃ abhijāyati .

‘‘ Kathañcānanda , kaṇhābhijātiyo samāno sukkaṃ dhammaṃ abhijāyati ?

Idhānanda , ekacco nīce kule paccājāto hoti – caṇḍālakule vā … pe … seyyāvasathapadīpeyyassa .

So kāyena sucaritaṃ carati , vācāya sucaritaṃ carati , manasā sucaritaṃ carati .

So kāyena sucaritaṃ caritvā , vācāya sucaritaṃ caritvā , manasā sucaritaṃ caritvā kāyassa bhedā paraṃ maraṇā sugatiṃ saggaṃ lokaṃ upapajjati .

Evaṃ kho , ānanda , kaṇhābhijātiyo samāno sukkaṃ dhammaṃ abhijāyati .

‘‘ Kathañcānanda , kaṇhābhijātiyo samāno akaṇhaṃ asukkaṃ nibbānaṃT3.432 abhijāyati ?

Idhānanda , ekacco nīce kule paccājāto hoti – caṇḍālakuleM2.339 vā … pe … so ca hoti dubbaṇṇo duddasiko okoṭimakoP3.386 .

So kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati .

So evaṃ pabbajito samāno pañca nīvaraṇe pahāya cetaso upakkilese paññāya dubbalīkaraṇe , catūsu satipaṭṭhānesu suppatiṭṭhitacitto , saā bojjhaṅgeV2.95 yathābhūtaṃ bhāvetvā akaṇhaṃ asukkaṃ nibbānaṃ abhijāyati .

Evaṃ kho , ānanda , kaṇhābhijātiyo samāno akaṇhaṃ asukkaṃ nibbānaṃ abhijāyati .

‘‘ Kathañcānanda , sukkābhijātiyo samāno kaṇhaṃ dhammaṃ abhijāyati ?

Idhānanda , ekacco ucce kule paccājāto hoti – khattiyamahāsālakule vā brāhmaṇamahāsālakule vā gahapatimahāsālakule vā , aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe .

So ca hoti abhirūpo dassanīyo pāsādiko paramāya vaṇṇapokkharatāya samannāgato , lābhī annassa pānassa vatthassa yānassa mālāgandhavilepanassa seyyāvasathapadīpeyyassa .

So kāyena duccaritaṃ carati , vācāya duccaritaṃ carati , manasā duccaritaṃ carati .

So kāyena duccaritaṃ caritvā , vācāya duccaritaṃ caritvā , manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .

Evaṃ kho , ānanda , sukkābhijātiyo samāno kaṇhaṃ dhammaṃ abhijāyati .

‘‘ Kathañcānanda , sukkābhijātiyo samāno sukkaṃ dhammaṃ abhijāyati ?

Idhānanda , ekacco ucce kule paccājāto hoti – khattiyamahāsālakuleT3.433 vā … pe … seyyāvasathapadīpeyyassa .

So kāyena sucaritaṃ carati , vācāya sucaritaṃ carati , manasā sucaritaṃ carati .

So kāyena sucaritaṃ caritvā , vācāya sucaritaṃ caritvā , manasā sucaritaṃ caritvā kāyassa bhedā paraṃ maraṇā sugatiṃ saggaṃ lokaṃ upapajjati .

Evaṃ kho , ānanda , sukkābhijātiyo samāno sukkaṃ dhammaṃ abhijāyati .

‘‘ Kathañcānanda , sukkābhijātiyo samāno akaṇhaṃ asukkaṃ nibbānaṃ abhijāyati ?

IdhānandaP3.387 , ekacco ucce kule paccājāto hoti – khattiyamahāsālakuleM2.340 vā brāhmaṇamahāsālakule vā gahapatimahāsālakule vā , aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe .

So ca hoti abhirūpo dassanīyo pāsādiko paramāya vaṇṇapokkharatāya samannāgato , lābhī annassa pānassa vatthassa yānassa mālāgandhavilepanassa seyyāvasathapadīpeyyassaV2.96 .

So kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati .

So evaṃ pabbajito samāno pañca nīvaraṇe pahāya cetaso upakkilese paññāya dubbalīkaraṇe , catūsu satipaṭṭhānesu suppatiṭṭhitacitto , satta bojjhaṅge yathābhūtaṃ bhāvetvā akaṇhaṃ asukkaṃ nibbānaṃ abhijāyati .

Evaṃ kho , ānanda , sukkābhijātiyo samāno akaṇhaṃ asukkaṃ nibbānaṃ abhijāyati .

Imā kho , ānanda , chaḷabhijātiyo ’’ ti .

Tatiyaṃ .

Issues

Chọn phiên bản

Chakkanipātapāḷi

Chakkanipātapāḷi