3. Koṭṭhikasuttaṃ
13. Atha kho āyasmā mahākoṭṭhiko [ mahākoṭṭhito ( sī . syā . pī .)] yenāyasmā sāriputto tenupasaṅkami ;
upasaṅkamitvā āyasmatā sāriputtena saddhiṃ sammodi .
Sammodanīyaṃ kathaṃ sāraṇīyaṃ vītisāretvā ekamantaṃ nisīdi .
Ekamantaṃ nisinno kho āyasmā mahākoṭṭhiko āyasmantaṃ sāriputtaṃ etadavoca –
‘‘ kiṃ nu kho , āvuso sāriputta ,‘ yaṃ kammaṃ diṭṭhadhammavedanīyaṃ , taṃ me kammaṃ samparāyavedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘ Kiṃ nu kho , āvuso sāriputta ,‘ yaṃ kammaṃ sukhavedanīyaṃ [ sukhavedaniyaṃ ( ka .) ma . ni .3.8 passitabbaṃ ], taṃ me kammaṃ dukkhavedanīyaṃ [ dukkhavedaniyaṃ ( ka .)] hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘ Kiṃ nu kho , āvuso sāriputta ,‘ yaṃ kammaṃ sukhavedanīyaṃ [ sukhavedaniyaṃ ( ka .) ma . ni .3.8 passitabbaṃ ], taṃ me kammaṃ dukkhavedanīyaṃ [ dukkhavedaniyaṃ ( ka .)] hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘ Kiṃ
M3.188V3.197 panāvuso , sāriputta ,‘ yaṃ kammaṃ dukkhavedanīyaṃ , taṃ me kammaṃ sukhavedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?‘‘ No hidaṃ , āvuso ’’.
‘‘ Kiṃ nu kho , āvuso sāriputta ,‘ yaṃ kammaṃ paripakkavedanīyaṃ , taṃ me kammaṃ aparipakkavedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No
T4.397 hidaṃ , āvuso ’’.‘‘ Kiṃ panāvuso sāriputta ,‘ yaṃ kammaṃ aparipakkavedanīyaṃ , taṃ me kammaṃ paripakkavedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘ Kiṃ nu kho , āvuso sāriputta ,‘ yaṃ kammaṃ bahuvedanīyaṃ , taṃ me kammaṃ appavedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘ Kiṃ panāvuso sāriputta
P4.383 ,‘ yaṃ kammaṃ appavedanīyaṃ , taṃ me kammaṃ bahuvedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?‘‘ No hidaṃ , āvuso ’’.
‘‘ Kiṃ nu kho , āvuso sāriputta ,‘ yaṃ kammaṃ vedanīyaṃ , taṃ me kammaṃ avedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘ Kiṃ panāvuso sāriputta ,‘ yaṃ kammaṃ avedanīyaṃ , taṃ me kammaṃ vedanīyaṃ hotū ’ ti , etassa atthāya bhagavati brahmacariyaṃ vussatī ’’ ti ?
‘‘ No hidaṃ , āvuso ’’.
‘‘‘ Kiṃ nu kho , āvuso sāriputta , yaṃ kammaṃ diṭṭhadhammavedanīyaṃ taṃ me kammaṃ samparāyavedanīyaṃ hotūti , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .
‘‘‘ Kiṃ panāvuso sāriputta , yaṃ kammaṃ samparāyavedanīyaṃ taṃ me kammaṃ diṭṭhadhammavedanīyaṃ hotūti
V3.198 , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .‘‘‘ Kiṃ
M3.189 nu kho , āvuso sāriputta , yaṃ kammaṃ sukhavedanīyaṃ taṃ me kammaṃ dukkhavedanīyaṃ hotūti , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .‘‘‘ Kiṃ panāvuso sāriputta , yaṃ kammaṃ dukkhavedanīyaṃ taṃ me kammaṃ sukhavedanīyaṃ hotūti , etassa atthāya bhagavati brahmacariyaṃ vussatī ’ ti , iti
T4.398 puṭṭho samāno ‘ no hidaṃ , āvuso ’ ti vadesi .‘‘‘ Kiṃ nu kho , āvuso sāriputta , yaṃ kammaṃ paripakkavedanīyaṃ taṃ me kammaṃ aparipakkavedanīyaṃ hotūti , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .
‘‘‘ Kiṃ panāvuso sāriputta , yaṃ kammaṃ aparipakkavedanīyaṃ taṃ me kammaṃ paripakkavedanīyaṃ hotūti , etassa atthāya bhagavati brahmacariyaṃ
P4.384 vussatī ’ ti , iti puṭṭho samāno ‘ no hidaṃ , āvuso ’ ti vadesi .‘‘‘ Kiṃ nu kho , āvuso sāriputta , yaṃ kammaṃ bahuvedanīyaṃ taṃ me kammaṃ appavedanīyaṃ hotūti , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .
‘‘‘ Kiṃ panāvuso sāriputta , yaṃ kammaṃ appavedanīyaṃ taṃ me kammaṃ bahuvedanīyaṃ hotūti , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .
‘‘‘ Kiṃ nu kho , āvuso sāriputta , yaṃ kammaṃ vedanīyaṃ taṃ me kammaṃ avedanīyaṃ hotūti
V3.199 , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .‘‘‘ Kiṃ panāvuso sāriputta , yaṃ kammaṃ avedanīyaṃ taṃ me kammaṃ vedanīyaṃ hotūti , etassa atthāya bhagavati brahmacariyaṃ vussatī ’ ti , iti puṭṭho samāno ‘ no hidaṃ , āvuso ’ ti vadesi .
Atha kimatthaṃ carahāvuso , bhagavati brahmacariyaṃ vussatī ’’ ti ?
‘‘ Yaṃ khvassa [ yaṃ kho ( ka .)], āvuso , aññātaṃ adiṭṭhaṃ appattaṃ asacchikataṃ anabhisametaṃ , tassa ñāṇāya dassanāya pattiyā sacchikiriyāya abhisamayāya bhagavati
T4.399 brahmacariyaṃ vussatī ’’ ti [ vussati ( syā .)].(‘‘ Kiṃ panassāvuso , aññātaṃM3.190 adiṭṭhaṃ appattaṃ asacchikataṃ anabhisametaṃ , yassa ñāṇāya dassanāya pattiyā sacchikiriyāya abhisamayāya bhagavati brahmacariyaṃ vussatī ’’ ti ?)[() syā . ka . potthakesu natthi ]‘‘‘ Idaṃ dukkhan ’ ti khvassa [ kho yaṃ ( ka .)], āvuso , aññātaṃ adiṭṭhaṃ appattaṃ asacchikataṃ anabhisametaṃ .Tassa ñāṇāya dassanāya pattiyā sacchikiriyāya abhisamayāya bhagavati brahmacariyaṃ vussati .
Ayaṃ
P4.385 ‘ dukkhasamudayo ’ ti khvassa , āvuso … pe …‘ ayaṃ dukkhanirodho ’ ti khvassa , āvuso … pe …‘ ayaṃ dukkhanirodhagāminī paṭipadā ’ ti khvassa , āvuso , aññātaṃ adiṭṭhaṃ appattaṃ asacchikataṃ anabhisametaṃ .Tassa ñāṇāya dassanāya pattiyā sacchikiriyāya abhisamayāya bhagavati brahmacariyaṃ vussati .
Idaṃ khvassa [ iti kho yaṃ ( ka .)], āvuso , aññātaṃ adiṭṭhaṃ appattaṃ asacchikataṃ anabhisametaṃ .
Tassa [ yassa (?)] ñāṇāya dassanāya pattiyā sacchikiriyāya abhisamayāya bhagavati brahmacariyaṃ vussatī ’’ ti .
Tatiyaṃ .