9. Āghātavatthusuttaṃ
29.[ vibha .960; dī . ni .3.340; a . ni .10.79]‘‘ Navayimāni , bhikkhave , āghātavatthūni .
Katamāni nava ?
‘ Anatthaṃ me acarī ’ ti āghātaṃ bandhati ;
‘ anatthaṃ me caratī ’ ti āghātaṃ bandhati ;
‘ anatthaṃ me carissatī ’ ti āghātaṃ bandhati ;
‘ piyassa me manāpassa anatthaṃ acarī ’ ti … pe …‘ anatthaṃ caratī ’ ti … pe …‘ anatthaṃ carissatī ’ ti āghātaṃ bandhati ;
‘ appiyassa me
T4.423 amanāpassa atthaṃ acarī ’ tiV3.218 … pe …‘ atthaṃ caratī ’ ti … pe …‘ atthaṃ carissatī ’ ti āghātaṃ bandhati .Imāni kho , bhikkhave , nava āghātavatthūnī ’’ ti .
Navamaṃ .