(6)1. Khemavaggo
1. Khemasuttaṃ
52.‘‘‘ Khemaṃ
T4.477 kheman ’ tiM3.248V3.259 , āvuso , vuccati .Kittāvatā nu kho , āvuso , khemaṃ vuttaṃ bhagavatā ’’ ti ?
‘‘ Idhāvuso , bhikkhu vivicceva kāmehi … pe … paṭhamaṃ jhānaṃ upasampajja viharati .
Ettāvatāpi kho , āvuso , khemaṃ vuttaṃ bhagavatā pariyāyena … pe ….
‘‘ Puna caparaṃ , āvuso , bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati , paññāya cassa disvā āsavā parikkhīṇā honti .
Ettāvatāpi kho , āvuso , khemaṃ vuttaṃ bhagavatā nippariyāyenā ’’ ti .
Paṭhamaṃ .
2. Khemappattasuttaṃ
53. Khemappatto khemappattoti , āvuso , vuccati … pe ….
Dutiyaṃ .
3. Amatasuttaṃ
54. Amataṃ amatanti , āvuso , vuccati … pe ….
Tatiyaṃ .
4. Amatappattasuttaṃ
55. Amatappatto amatappattoti , āvuso , vuccati … pe ….
Catutthaṃ .
5. Abhayasuttaṃ
56. Abhayaṃ
V3.260 abhayanti , āvuso , vuccati … pe ….Pañcamaṃ .
6. Abhayappattasuttaṃ
57. Abhayappatto abhayappattoti , āvuso , vuccati … pe ….
Chaṭṭhaṃ .
7. Passaddhisuttaṃ
58. Passaddhi passaddhīti , āvuso , vuccati … pe ….
Sattamaṃ .
8. Anupubbapassaddhisuttaṃ
59. Anupubbapassaddhi
M3.249P4.456 anupubbapassaddhīti , āvuso , vuccati … pe ….Aṭṭhamaṃ .
9. Nirodhasuttaṃ
60. Nirodho nirodhoti , āvuso , vuccati … pe ….
Navamaṃ .
10. Anupubbanirodhasuttaṃ
61.‘‘‘ Anupubbanirodho anupubbanirodho ’ ti , āvuso , vuccati .
Kittāvatā
T4.478 nu kho , āvuso , anupubbanirodho vutto bhagavatā ’’ ti ?‘‘ Idhāvuso , bhikkhu vivicceva kāmehi … pe … paṭhamaṃ jhānaṃ upasampajja viharati .
Ettāvatāpi kho , āvuso , anupubbanirodho vutto bhagavatā pariyāyena … pe …
V3.261 .‘‘ Puna caparaṃ , āvuso , bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati , paññāya cassa disvā āsavā parikkhīṇā honti .
Ettāvatāpi kho , āvuso , anupubbanirodho vutto bhagavatā nippariyāyenā ’’ ti .
Dasamaṃ .
11. Abhabbasuttaṃ
62.‘‘ Nava , bhikkhave , dhamme appahāya abhabbo arahattaṃ sacchikātuṃ .
Katame nava ?
Rāgaṃ , dosaṃ , mohaṃ , kodhaṃ , upanāhaṃ , makkhaṃ , paḷāsaṃ , issaṃ , macchariyaṃ – ime kho , bhikkhave , nava dhamme appahāya abhabbo arahattaṃ sacchikātuṃ .
‘‘ Nava , bhikkhave , dhamme pahāya bhabbo arahattaṃ sacchikātuṃ .
Katame nava ?
Rāgaṃ , dosaṃ , mohaṃ , kodhaṃ , upanāhaṃ , makkhaṃ , paḷāsaṃ , issaṃ , macchariyaṃ – ime kho , bhikkhave , nava dhamme pahāya bhabbo arahattaṃ sacchikātun ’’ ti .
Ekādasamaṃ .
Khemavaggo paṭhamo .
Tassuddānaṃ –
Khemo
P4.457 ca amatañceva , abhayaṃ passaddhiyena ca ;Nirodho anupubbo ca , dhammaṃ pahāya bhabbena cāti .