2. Assakhaḷuṅkasuttaṃ
22.[ a . ni .3.141]‘‘ Tayo
P4.397 ca , bhikkhave , assakhaḷuṅke desessāmi tayo ca purisakhaḷuṅke tayo ca assaparasse [ assasadasse ( sī . syā . pī .) a . ni .3.142] tayo ca purisaparasse [ purisasadasse ( sī . syā . pī .)] tayo ca bhadde assājānīye tayo ca bhadde purisājānīye .Taṃ suṇātha .
‘‘ Katame ca , bhikkhave , tayo assakhaḷuṅkā ?
Idha , bhikkhave , ekacco assakhaḷuṅko javasampanno
V3.208 hoti , na vaṇṇasampanno , na ārohapariṇāhasampanno .Idha pana , bhikkhave , ekacco assakhaḷuṅko javasampanno ca hoti vaṇṇasampanno ca , na ārohapariṇāhasampanno .
Idha pana , bhikkhave , ekacco assakhaḷuṅko javasampanno ca hoti vaṇṇasampanno ca ārohapariṇāhasampanno ca .
Ime kho , bhikkhave , tayo assakhaḷuṅkā .
‘‘ Katame
T4.410M3.199 ca , bhikkhave , tayo purisakhaḷuṅkā ?Idha , bhikkhave , ekacco purisakhaḷuṅko javasampanno hoti , na vaṇṇasampanno , na ārohapariṇāhasampanno .
Idha pana , bhikkhave , ekacco purisakhaḷuṅko javasampanno ca hoti vaṇṇasampanno ca , na ārohapariṇāhasampanno .
Idha pana , bhikkhave , ekacco purisakhaḷuṅko javasampanno ca hoti vaṇṇasampanno ca ārohapariṇāhasampanno ca .
‘‘ Kathañca , bhikkhave , purisakhaḷuṅko javasampanno hoti , na vaṇṇasampanno na ārohapariṇāhasampanno ?
Idha , bhikkhave , bhikkhu ‘ idaṃ dukkhan ’ ti yathābhūtaṃ pajānāti ,‘ ayaṃ dukkhasamudayo ’ ti yathābhūtaṃ pajānāti ,‘ ayaṃ dukkhanirodho ’ ti yathābhūtaṃ pajānāti ,‘ ayaṃ dukkhanirodhagāminī paṭipadā ’ ti yathābhūtaṃ pajānāti .
Idamassa
P4.398 javasmiṃ vadāmi .Abhidhamme kho pana abhivinaye pañhaṃ puṭṭho saṃsādeti [ saṃsāreti ( ka .) a . niā .1.3.141], no vissajjeti .
Idamassa na vaṇṇasmiṃ vadāmi .
Na kho pana lābhī hoti cīvarapiṇḍapātasenāsanagilānapaccayabhesajjaparikkhārānaṃ .
Idamassa na ārohapariṇāhasmiṃ vadāmi .
Evaṃ kho , bhikkhave , purisakhaḷuṅko javasampanno hoti , na vaṇṇasampanno na ārohapariṇāhasampanno .
‘‘ Kathañca , bhikkhave , purisakhaḷuṅko javasampanno ca hoti vaṇṇasampanno ca , na ārohapariṇāhasampanno ?
Idha , bhikkhave , bhikkhu ‘ idaṃ dukkhan ’ ti yathābhūtaṃ pajānāti … pe …‘ ayaṃ dukkhanirodhagāminī paṭipadā ’ ti yathābhūtaṃ pajānāti .
Idamassa javasmiṃ vadāmi .
Abhidhamme kho pana abhivinaye pañhaṃ
T4.411 puṭṭho vissajjeti , no saṃsādeti .Idamassa vaṇṇasmiṃ vadāmi .
Na kho pana lābhī hoti cīvarapiṇḍapātasenāsanagilānapaccayabhesajjaparikkhārānaṃ .
Idamassa na ārohapariṇāhasmiṃ vadāmi .
Evaṃ kho , bhikkhave , purisakhaḷuṅko javasampanno ca hoti vaṇṇasampanno ca , na ārohapariṇāhasampanno .
‘‘ Kathañca
V3.209 , bhikkhave , purisakhaḷuṅko javasampanno ca hoti vaṇṇasampanno ca ārohapariṇāhasampanno ca ?Idha , bhikkhave , bhikkhu ‘ idaṃ dukkhan ’ ti yathābhūtaṃ pajānāti … pe …‘ ayaṃ dukkhanirodhagāminī paṭipadā ’ ti yathābhūtaṃ pajānāti .
Idamassa javasmiṃ vadāmi .
Abhidhamme kho pana abhivinaye pañhaṃ puṭṭho vissajjeti , no saṃsādeti .
Idamassa vaṇṇasmiṃ vadāmi .
Lābhī
P4.399 kho panaM3.200 hoti cīvarapiṇḍapātasenāsanagilānapaccayabhesajjaparikkhārānaṃ .Idamassa ārohapariṇāhasmiṃ vadāmi .
Evaṃ kho , bhikkhave , purisakhaḷuṅko javasampanno ca hoti vaṇṇasampanno ca ārohapariṇāhasampanno ca .
Ime kho , bhikkhave , tayo purisakhaḷuṅkā .
‘‘ Katame ca , bhikkhave , tayo assaparassā ?
Idha , bhikkhave , ekacco assaparasso … pe … javasampanno ca hoti vaṇṇasampanno ca ārohapariṇāhasampanno ca .
Ime kho , bhikkhave , tayo assaparassā .
‘‘ Katame ca , bhikkhave , tayo purisaparassā ?
Idha , bhikkhave , ekacco purisaparasso … pe … javasampanno ca hoti vaṇṇasampanno ca ārohapariṇāhasampanno ca .
‘‘ Kathañca
T4.412 , bhikkhave , purisaparasso … pe … javasampanno ca hoti vaṇṇasampanno ca ārohapariṇāhasampanno ca ?Idha , bhikkhave , bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti , tattha parinibbāyī anāvattidhammo tasmā lokā .
Idamassa javasmiṃ vadāmi .
Abhidhamme kho pana abhivinaye pañhaṃ puṭṭho vissajjeti , no saṃsādeti .
Idamassa vaṇṇasmiṃ vadāmi .
Lābhī kho pana hoti cīvarapiṇḍapātasenāsanagilānapaccayabhesajjaparikkhārānaṃ .
Idamassa ārohapariṇāhasmiṃ vadāmi .
Evaṃ kho , bhikkhave , purisaparasso javasampanno ca hoti vaṇṇasampanno ca ārohapariṇāhasampanno ca .
Ime kho , bhikkhave , tayo purisaparassā .
‘‘ Katame ca , bhikkhave , tayo bhaddā assājānīyā ?
Idha , bhikkhave , ekacco bhaddo assājānīyo … pe … javasampanno ca hoti vaṇṇasampanno ca ārohapariṇāhasampanno ca .
Ime
P4.400 kho , bhikkhave , tayo bhaddā assājānīyā .‘‘ Katame
V3.210 ca , bhikkhave , tayo bhaddā purisājānīyā ?Idha , bhikkhave , ekacco bhaddo purisājānīyo … pe … javasampanno ca hoti vaṇṇasampanno ca ārohapariṇāhasampanno ca .
‘‘ Kathañca , bhikkhave , bhaddo purisājānīyo … pe … javasampanno ca hoti vaṇṇasampanno ca ārohapariṇāhasampanno ca ?
Idha , bhikkhave , bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva
T4.413 dhamme sayaṃ abhiññāM3.201 sacchikatvā upasampajja viharati .Idamassa javasmiṃ vadāmi .
Abhidhamme kho pana abhivinaye pañhaṃ puṭṭho vissajjeti , no saṃsādeti .
Idamassa vaṇṇasmiṃ vadāmi .
Lābhī kho pana hoti cīvarapiṇḍapātasenāsanagilānapaccayabhesajjaparikkhārānaṃ .
Idamassa ārohapariṇāhasmiṃ vadāmi .
Evaṃ kho , bhikkhave , bhaddo purisājānīyo javasampanno ca hoti vaṇṇasampanno ca ārohapariṇāhasampanno ca .
Ime kho , bhikkhave , tayo bhaddā purisājānīyā ’’ ti .
Dutiyaṃ .