6. Silāyūpasuttaṃ

26. EkaṃM3.203 samayaṃ āyasmā ca sāriputto āyasmā ca candikāputto rājagahe viharanti veḷuvane kalandakanivāpe .

Tatra kho āyasmā candikāputto bhikkhū āmantesi ()[( āvuso … pe … etadavoca )( sī .)]–

‘‘ devadatto , āvuso , bhikkhūnaṃ evaṃ dhammaṃ deseti –

‘ yato kho , āvuso , bhikkhuno cetasā citaṃ hoti , tassetaṃ bhikkhuno kallaṃ veyyākaraṇāyaP4.403 –

‘ khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’’’ ti .

Evaṃ vutte āyasmā sāriputto āyasmantaṃ candikāputtaṃ etadavoca –

‘‘ na kho , āvuso candikāputta , devadatto bhikkhūnaṃ evaṃ dhammaṃ desetiT4.416 –

‘ yato kho , āvuso , bhikkhuno cetasā citaṃ hoti , tassetaṃ bhikkhuno kallaṃ veyyākaraṇāya – khīṇā jāti , vusitaṃV3.213 brahmacariyaṃ , kataṃ karaṇīyaṃ , nāparaṃ itthattāyāti pajānāmī ’ ti .

Evañca kho , āvuso , candikāputta , devadatto bhikkhūnaṃ dhammaṃ deseti –

‘ yato kho , āvuso , bhikkhuno cetasā cittaṃ suparicitaṃ hoti , tassetaṃ bhikkhuno kallaṃ veyyākaraṇāya – khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’’’ ti .

Dutiyampi kho āyasmā candikāputto bhikkhū āmantesi –

‘‘ devadatto , āvuso , bhikkhūnaṃ evaṃ dhammaṃ deseti –

‘ yato kho , āvuso , bhikkhuno cetasā citaṃ hoti , tassetaṃ bhikkhuno kallaṃ veyyākaraṇāya – khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyāti pajānāmī ’’’ ti .

Dutiyampi kho āyasmā sāriputto āyasmantaṃ candikāputtaṃ etadavoca –

‘‘ na kho , āvuso candikāputta , devadatto bhikkhūnaṃ evaṃ dhammaṃ deseti –

Evañca kho , āvuso candikāputta , devadatto bhikkhūnaṃ dhammaṃ deseti –

TatiyampiT4.417M3.204 kho āyasmā candikāputto bhikkhū āmantesi –

‘‘ devadatto , āvuso , bhikkhūnaṃ evaṃ dhammaṃ deseti –

Tatiyampi kho āyasmā sāriputto āyasmantaṃ candikāputtaṃ etadavoca –

‘‘ na kho , āvuso candikāputta , devadatto bhikkhūnaṃ evaṃ dhammaṃ deseti –

Evañca kho , āvuso candikāputta , devadatto bhikkhūnaṃ dhammaṃ deseti –

‘‘ Kathañca , āvuso , bhikkhuno cetasā cittaṃ suparicitaṃ hoti ?

‘ VītarāgaṃP4.404 me cittan ’ tiV3.214 cetasā cittaṃ suparicitaṃ hoti ;

‘ vītadosaṃ me cittan ’ ti cetasā cittaṃ suparicitaṃ hoti ;

‘ vītamohaṃ me cittan ’ ti cetasā cittaṃ suparicitaṃ hoti ;

‘ asarāgadhammaṃ me cittan ’ ti cetasā cittaṃ suparicitaṃ hoti ;

‘ asadosadhammaṃ me cittan ’ ti cetasā cittaṃ suparicitaṃ hoti ;

‘ asamohadhammaṃ me cittan ’ ti cetasā cittaṃ suparicitaṃ hoti ;

‘ anāvattidhammaṃ meT4.418 cittaṃ kāmabhavāyā ’ ti cetasā cittaṃ suparicitaṃ hoti ;

‘ anāvattidhammaṃ me cittaṃ rūpabhavāyā ’ ti cetasā cittaṃ suparicitaṃ hoti ;

‘ anāvattidhammaṃ me cittaṃ arūpabhavāyā ’ ti cetasā cittaṃ suparicitaṃ hoti .

Evaṃ sammā vimuttacittassa kho , āvuso , bhikkhuno bhusā cepi cakkhuviññeyyā rūpā cakkhussa āpāthaṃ āgacchanti , nevassa cittaṃ pariyādiyanti ;

amissīkatamevassa cittaṃ hoti ṭhitaṃ āneñjappattaṃ , vayaṃ cassānupassati .

‘‘ Seyyathāpi , āvuso , silāyūpo soḷasakukkuko .

Tassassu aṭṭha kukkū heṭṭhā nemaṅgamā , aṭṭha kukkū upari nemassa .

Atha puratthimāya cepi disāya āgaccheyya bhusā vātavuṭṭhi , neva naṃ saṅkampeyyaP4.405 na sampavedheyya ;

atha pacchimāya … atha uttarāya … atha dakkhiṇāya cepi disāyaM3.205 āgaccheyya bhusā vātavuṭṭhi , neva naṃ saṅkampeyya na sampavedheyya .

Taṃ kissa hetu ?

Gambhīrattā , āvuso , nemassa , sunikhātattā silāyūpassa .

Evamevaṃ kho , āvuso , sammā vimuttacittassa bhikkhuno bhusā cepi cakkhuviññeyyā rūpā cakkhussa āpāthaṃ āgacchanti , nevassa cittaṃ pariyādiyanti ;

amissīkatamevassa cittaṃ hoti ṭhitaṃ āneñjappattaṃ , vayaṃ cassānupassati .

‘‘ Bhusā cepi sotaviññeyyā saddā … ghānaviññeyyā gandhā … jivhāviññeyyā rasā … kāyaviññeyyāT4.419 phoṭṭhabbā … manoviññeyyā dhammā manassa āpāthaṃ āgacchanti , nevassa cittaṃ pariyādiyanti ;

amissīkatamevassa cittaṃ hoti ṭhitaṃ āneñjappattaṃ , vayaṃ cassānupassatī ’’ ti .

Chaṭṭhaṃ .

Issues

Select Version

Navakanipātapāḷi

Navakanipātapāḷi