3. Taṇhāmūlakasuttaṃ
23.[ dī . ni .2.103]‘‘ Nava , bhikkhave , taṇhāmūlake dhamme desessāmi , taṃ suṇātha .
Katame ca , bhikkhave , nava taṇhāmūlakā dhammā ?
Taṇhaṃ paṭicca pariyesanā , pariyesanaṃ paṭicca lābho , lābhaṃ paṭicca vinicchayo , vinicchayaṃ paṭicca chandarāgo , chandarāgaṃ paṭicca ajjhosānaṃ , ajjhosānaṃ paṭicca pariggaho , pariggahaṃ paṭicca macchariyaṃ , macchariyaṃ paṭicca ārakkho , ārakkhādhikaraṇaṃ daṇḍādānaṃ satthādānaṃ
P4.401 kalahaviggahavivādatuvaṃtuvaṃpesuññamusāvādā aneke pāpakā akusalā dhammā sambhavanti .Ime kho , bhikkhave , nava taṇhāmūlakā dhammā ’’ ti .
Tatiyaṃ .