5. Jhānasuttaṃ

36.‘‘ PaṭhamampāhaṃV3.230M3.220 , bhikkhave , jhānaṃ nissāya āsavānaṃ khayaṃ vadāmiT4.439 ;

dutiyampāhaṃ , bhikkhave , jhānaṃ nissāya āsavānaṃ khayaṃ vadāmi ;

tatiyampāhaṃ , bhikkhave , jhānaṃ nissāya āsavānaṃ khayaṃ vadāmi ;

catutthampāhaṃ , bhikkhave , jhānaṃ nissāya āsavānaṃ khayaṃ vadāmi ;

ākāsānañcāyatanampāhaṃ , bhikkhave , nissāya āsavānaṃ khayaṃ vadāmi ;

viññāṇañcāyatanampāhaṃ , bhikkhave , nissāya āsavānaṃ khayaṃ vadāmi ;

ākiñcaññāyatanampāhaṃ , bhikkhave , nissāya āsavānaṃ khayaṃ vadāmi ;

nevasaññānāsaññāyatanampāhaṃ , bhikkhave , nissāya āsavānaṃ khayaṃ vadāmi ;

saññāvedayitanirodhampāhaṃ , bhikkhave , nissāya āsavānaṃ khayaṃ vadāmi .

‘‘‘ Paṭhamampāhaṃ , bhikkhave , jhānaṃ nissāya āsavānaṃ khayaṃ vadāmī ’ ti , iti kho panetaṃ vuttaṃ .

Kiñcetaṃ paṭicca vuttaṃ ?

Idha , bhikkhave , bhikkhu vivicceva kāmehi … pe … paṭhamaṃ jhānaṃ upasampajja viharati .

So yadeva tattha hoti rūpagataṃ vedanāgataṃ saññāgataṃ saṅkhāragataṃ viññāṇagataṃ , te dhamme aniccato dukkhato rogato gaṇḍato sallato aghato ābādhato parato palokato suññatoP4.423 anattato samanupassati .

So tehi dhammehi cittaṃ paṭivāpeti [ patiṭṭhāpeti ( syā .), paṭipādeti ( ka .) ma . ni .2.133 passitabbaṃ ].

So tehi dhammehi cittaṃ paṭivāpetvā [ patiṭṭhāpetvā ( syā .), paṭipādetvā ( ka .)] amatāya dhātuyā cittaṃ upasaṃharati –

‘ etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .

So tattha ṭhito āsavānaṃ khayaṃ pāpuṇāti .

No ce āsavānaṃ khayaṃ pāpuṇāti , teneva dhammarāgena tāya dhammanandiyā pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā .

‘‘ Seyyathāpi , bhikkhave , issāso vā issāsantevāsī vā tiṇapurisarūpake vā mattikāpuñje vā yoggaṃ karitvā , so aparena samayena dūrepātī ca hoti akkhaṇavedhī ca mahato ca kāyassa padāletā [ padālitā ( ka .) a . ni .3.134;4.181];

evamevaṃ khoT4.440 , bhikkhave , bhikkhu vivicceva kāmehi … pe … paṭhamaṃ jhānaṃ upasampajjaM3.221 viharati .

So tehi dhammehi cittaṃ paṭivāpetiV3.231 .

So tehi dhammehi cittaṃ paṭivāpetvā amatāya dhātuyā cittaṃ upasaṃharati –

‘ etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .

So tattha ṭhito āsavānaṃ khayaṃ pāpuṇāti .

‘ PaṭhamampāhaṃP4.424 , bhikkhave , jhānaṃ nissāya āsavānaṃ khayaṃ vadāmī ’ ti , iti yaṃ taṃ vuttaṃ , idametaṃ paṭicca vuttaṃ .

‘‘ Dutiyampāhaṃ , bhikkhave , jhānaṃ nissāya … pe … tatiyampāhaṃ , bhikkhave , jhānaṃ nissāya …‘ catutthampāhaṃ , bhikkhave , jhānaṃ nissāya āsavānaṃ khayaṃ vadāmī ’ ti , iti kho panetaṃ vuttaṃ .

Kiñcetaṃ paṭicca vuttaṃ ?

Idha , bhikkhave , bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati .

So yadeva tattha hoti rūpagataṃ vedanāgataṃ saññāgataṃ saṅkhāragataṃ viññāṇagataṃ , te dhamme aniccato dukkhatoT4.441 rogato gaṇḍato sallato aghato ābādhato parato palokato suññato anattato samanupassati .

So tehi dhammehi cittaṃ paṭivāpeti .

So tehi dhammehi cittaṃ paṭivāpetvā amatāya dhātuyā cittaṃ upasaṃharati –

‘ etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .

So tattha ṭhito āsavānaṃ khayaṃ pāpuṇāti .

‘‘ SeyyathāpiV3.232 , bhikkhave , issāso vā issāsantevāsī vā tiṇapurisarūpake vā mattikāpuñje vā yoggaṃ karitvā , so aparena samayena dūrepātī ca hoti akkhaṇavedhī ca mahato ca kāyassa padāletāM3.222 ;

evamevaṃ kho , bhikkhave , bhikkhu sukhassa ca pahānā , dukkhassa ca pahānā , pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati .

So yadeva tattha hoti rūpagataṃ vedanāgataṃ … pe … anāvattidhammo tasmā lokā .

‘ CatutthampāhaṃP4.425 , bhikkhave , jhānaṃ nissāya āsavānaṃ khayaṃ vadāmī ’ ti , iti yaṃ taṃ vuttaṃ , idametaṃ paṭicca vuttaṃ .

‘‘‘ Ākāsānañcāyatanampāhaṃ , bhikkhave , jhānaṃ nissāya āsavānaṃ khayaṃ vadāmī ’ ti , iti kho panetaṃ vuttaṃ .

Kiñcetaṃ paṭicca vuttaṃ ?

Idha , bhikkhave , bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ ananto ākāso ’ ti ākāsānañcāyatanaṃ upasampajja viharati .

So yadeva tattha hoti vedanāgataṃ saññāgataṃ saṅkhāragataṃT4.442 viññāṇagataṃ , te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati .

So tehi dhammehi cittaṃ paṭivāpeti .

So tehi dhammehi cittaṃ paṭivāpetvā amatāya dhātuyā cittaṃ upasaṃharati –

‘ etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .

So tattha ṭhito āsavānaṃ khayaṃ pāpuṇāti .

evamevaṃ kho , bhikkhave , bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ ananto ākāso ’ ti ākāsānañcāyatanaṃ upasampajja viharati .

So yadeva tattha hoti vedanāgataṃ saññāgataṃ … pe … anāvattidhammo tasmā lokā .

‘ Ākāsānañcāyatanampāhaṃ , bhikkhave , nissāya āsavānaṃ khayaṃ vadāmī ’ ti , iti yaṃ taṃ vuttaṃ , idametaṃ paṭicca vuttaṃ .

‘‘‘ ViññāṇañcāyatanampāhaṃV3.233 , bhikkhave , nissāya … pe … ākiñcaññāyatanampāhaṃ , bhikkhave , nissāya āsavānaṃ khayaṃ vadāmī ’ ti , iti kho panetaṃ vuttaṃT4.443 .

Kiñcetaṃ paṭicca vuttaṃ ?

IdhaP4.426 , bhikkhave , bhikkhu sabbaso viññāṇañcāyatanaṃ samatikkammaM3.223 ‘ natthi kiñcī ’ ti ākiñcaññāyatanaṃ upasampajja viharati .

So yadeva tattha hoti vedanāgataṃ saññāgataṃ saṅkhāragataṃ viññāṇagataṃ , te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati .

So tehi dhammehi cittaṃ paṭivāpeti .

So tehi dhammehi cittaṃ paṭivāpetvā amatāya dhātuyā cittaṃ upasaṃharati –

‘ etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .

So tattha ṭhito āsavānaṃ khayaṃ pāpuṇāti .

evamevaṃ kho , bhikkhave , bhikkhu sabbaso viññāṇañcāyatanaṃ samatikkamma ‘ natthi kiñcī ’ ti ākiñcaññāyatanaṃ upasampajja viharati .

So tehi dhammehiT4.444 cittaṃ paṭivāpeti .

So tehi dhammehi cittaṃ paṭivāpetvā amatāya dhātuyā cittaṃ upasaṃharati –

‘ etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan ’ ti .

So tattha ṭhito āsavānaṃ khayaṃ pāpuṇāti .

‘ Ākiñcaññāyatanampāhaṃ , nissāya āsavānaṃ khayaṃ vadāmī ’ ti , iti yaṃ taṃ vuttaṃ , idametaṃ paṭicca vuttaṃ .

‘‘ Iti kho , bhikkhave , yāvatā saññāsamāpatti tāvatā aññāpaṭivedho .

Yāni ca kho imāni , bhikkhave , nissāya dve āyatanāni – nevasaññānāsaññāyatanasamāpatti ca saññāvedayitanirodhoV3.234 ca , jhāyīheteM3.224 , bhikkhave , samāpattikusalehi samāpattivuṭṭhānakusalehi samāpajjitvā vuṭṭhahitvā sammā akkhātabbānīti vadāmī ’’ ti .

Pañcamaṃ .

Issues

අනුවාදය තෝරන්න

Navakanipātapāḷi

Navakanipātapāḷi