4. Nandakasuttaṃ
4. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena āyasmā nandako upaṭṭhānasālāyaṃ bhikkhū dhammiyā kathāya sandasseti samādapeti samuttejeti sampahaṃseti .
Atha kho bhagavā sāyanhasamayaṃ paṭisallānā vuṭṭhito yenupaṭṭhānasālā tenupasaṅkami ;
upasaṅkamitvā bahidvārakoṭṭhake aṭṭhāsi kathāpariyosānaṃ āgamayamāno .
Atha kho bhagavā kathāpariyosānaṃ viditvā ukkāsetvā aggaḷaṃ
P4.359 ākoṭesi .Vivariṃsu kho te bhikkhū bhagavato dvāraṃ .
Atha
M3.170 kho bhagavā upaṭṭhānasālaṃ pavisitvā paññattāsane nisīdi .Nisajja kho bhagavā āyasmantaṃ nandakaṃ etadavoca –
‘‘ dīgho kho tyāyaṃ , nandaka , dhammapariyāyo bhikkhūnaṃ paṭibhāsi .
Api me piṭṭhi āgilāyati bahidvārakoṭṭhake
T4.372 ṭhitassa kathāpariyosānaṃ āgamayamānassā ’’ ti .Evaṃ vutte āyasmā nandako sārajjamānarūpo bhagavantaṃ etadavoca –
‘‘ na kho pana mayaṃ , bhante , jānāma ‘ bhagavā bahidvārakoṭṭhake ṭhito ’ ti .
Sace hi mayaṃ , bhante , jāneyyāma ‘ bhagavā bahidvārakoṭṭhake ṭhito ’ ti , ettakampi ()[( dhammaṃ ) katthaci ] no nappaṭibhāseyyā ’’ ti .
Atha kho bhagavā āyasmantaṃ nandakaṃ sārajjamānarūpaṃ viditvā āyasmantaṃ nandakaṃ etadavoca –
‘‘ sādhu , sādhu , nandaka !
Etaṃ kho , nandaka , tumhākaṃ patirūpaṃ kulaputtānaṃ saddhāya agārasmā anagāriyaṃ pabbajitānaṃ , yaṃ tumhe dhammiyā kathāya sannisīdeyyātha .
Sannipatitānaṃ vo , nandaka , dvayaṃ karaṇīyaṃ – dhammī vā kathā ariyo vā tuṇhībhāvo .[ a . ni .8.71;9.1] Saddho ca , nandaka , bhikkhu
V3.179 hoti , no ca sīlavā .Evaṃ so tenaṅgena aparipūro hoti .
Tena taṃ aṅgaṃ paripūretabbaṃ –
‘ kintāhaṃ saddho ca assaṃ
P4.360 sīlavā cā ’ ti .Yato ca kho , nandaka , bhikkhu saddho ca hoti sīlavā ca , evaṃ so tenaṅgena paripūro hoti .
‘‘ Saddho ca , nandaka , bhikkhu hoti sīlavā ca , no ca lābhī ajjhattaṃ cetosamādhissa .
Evaṃ so tenaṅgena aparipūro hoti .
Tena taṃ aṅgaṃ paripūretabbaṃ –
‘ kintāhaṃ saddho ca assaṃ sīlavā ca lābhī ca ajjhattaṃ cetosamādhissā ’ ti .
Yato ca kho , nandaka , bhikkhu saddho ca hoti sīlavā ca lābhī ca ajjhattaṃ cetosamādhissa , evaṃ so tenaṅgena paripūro hoti .
‘‘ Saddho ca , nandaka , bhikkhu hoti sīlavā ca lābhī ca ajjhattaṃ cetosamādhissa , na lābhī adhipaññādhammavipassanāya .
Evaṃ so tenaṅgena
T4.373 aparipūro hoti .Seyyathāpi , nandaka , pāṇako catuppādako assa .
Tassa eko pādo omako lāmako .
Evaṃ so tenaṅgena aparipūro assa .
Evamevaṃ kho , nandaka , bhikkhu saddho ca hoti sīlavā ca lābhī ca ajjhattaṃ cetosamādhissa , na lābhī adhipaññādhammavipassanāya .
Evaṃ
M3.171 so tenaṅgena aparipūro hoti .Tena taṃ aṅgaṃ paripūretabbaṃ –
‘ kintāhaṃ saddho ca assaṃ sīlavā ca lābhī ca ajjhattaṃ cetosamādhissa lābhī ca adhipaññādhammavipassanāyā ’’’ ti .
‘‘ Yato ca kho , nandaka , bhikkhu saddho ca hoti sīlavā ca lābhī ca ajjhattaṃ cetosamādhissa lābhī ca adhipaññādhammavipassanāya , evaṃ so tenaṅgena paripūro hotī ’’ ti .
Idamavoca bhagavā .
Idaṃ vatvāna sugato uṭṭhāyāsanā vihāraṃ pāvisi .
Atha kho āyasmā nandako acirapakkantassa bhagavato bhikkhū āmantesi –
‘‘ idāni , āvuso , bhagavā catūhi padehi kevalaparipuṇṇaṃ parisuddhaṃ brahmacariyaṃ pakāsetvā
P4.361 uṭṭhāyāsanā vihāraṃ paviṭṭho –‘ saddho ca , nandaka , bhikkhu hoti , no ca sīlavā .
Evaṃ so tenaṅgena aparipūro hoti .
Tena taṃ aṅgaṃ paripūretabbaṃ – kintāhaṃ saddho ca assaṃ sīlavā cā ’ ti .
Yato ca kho nandaka bhikkhu saddho ca hoti sīlavā ca , evaṃ so tenaṅgena paripūro hoti .
Saddho ca nandaka bhikkhu hoti sīlavā ca , no ca lābhī ajjhattaṃ cetosamādhissa … pe … lābhī
V3.180 ca ajjhattaṃ cetosamādhissa , na lābhī adhipaññādhammavipassanāya , evaṃ so tenaṅgena aparipūroT4.374 hoti .Seyyathāpi nandaka pāṇako catuppādako assa , tassa eko pādo omako lāmako , evaṃ so tenaṅgena aparipūro assa .
Evamevaṃ kho , nandaka , bhikkhu saddho ca hoti sīlavā ca , lābhī ca ajjhattaṃ cetosamādhissa , na lābhī adhipaññādhammavipassanāya , evaṃ so tenaṅgena aparipūro hoti , tena taṃ aṅgaṃ paripūretabbaṃ ‘ kintāhaṃ saddho ca assaṃ sīlavā ca , lābhī ca ajjhattaṃ cetosamādhissa , lābhī ca adhipaññādhammavipassanāyā ’ ti .
Yato ca kho , nandaka , bhikkhu saddho ca hoti sīlavā ca lābhī ca ajjhattaṃ cetosamādhissa lābhī ca adhipaññādhammavipassanāya , evaṃ so tenaṅgena paripūro hotī ’’ ti .
‘‘ Pañcime , āvuso , ānisaṃsā kālena dhammassavane kālena dhammasākacchāya .
Katame pañca ?
Idhāvuso , bhikkhu bhikkhūnaṃ dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāseti .
Yathā yathā , āvuso , bhikkhu bhikkhūnaṃ dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāseti
M3.172 , tathā tathā so satthu piyo ca hoti manāpo ca garu ca bhāvanīyo ca .Ayaṃ , āvuso , paṭhamo ānisaṃso kālena dhammassavane kālena dhammasākacchāya .
‘‘ Puna caparaṃ , āvuso , bhikkhu bhikkhūnaṃ dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ
T4.375 brahmacariyaṃ pakāseti .Yathā yathā , āvuso , bhikkhu bhikkhūnaṃ dhammaṃ deseti ādikalyāṇaṃ … pe … brahmacariyaṃ
P4.362 pakāseti , tathā tathā so tasmiṃ dhamme atthappaṭisaṃvedī ca hoti dhammappaṭisaṃvedī ca .Ayaṃ , āvuso , dutiyo ānisaṃso kālena dhammassavane kālena dhammasākacchāya .
‘‘ Puna caparaṃ , āvuso , bhikkhu bhikkhūnaṃ dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāseti .
Yathā yathā , āvuso , bhikkhu bhikkhūnaṃ dhammaṃ deseti ādikalyāṇaṃ … pe … brahmacariyaṃ pakāseti , tathā tathā so tasmiṃ dhamme gambhīraṃ atthapadaṃ paññāya ativijjha passati .
Ayaṃ , āvuso , tatiyo ānisaṃso kālena dhammassavane kālena dhammasākacchāya .
‘‘ Puna
V3.181 caparaṃ , āvuso , bhikkhu bhikkhūnaṃ dhammaṃ deseti ādikalyāṇaṃ … pe … brahmacariyaṃ pakāseti .Yathā yathā , āvuso , bhikkhu bhikkhūnaṃ dhammaṃ deseti ādikalyāṇaṃ … pe … brahmacariyaṃ pakāseti , tathā tathā naṃ sabrahmacārī uttari sambhāventi –
‘ addhā ayamāyasmā patto vā pajjati vā ’.
Ayaṃ , āvuso , catuttho ānisaṃso kālena dhammassavane kālena dhammasākacchāya .
‘‘ Puna caparaṃ , āvuso , bhikkhu bhikkhūnaṃ dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāseti .
Yathā yathā , āvuso , bhikkhu bhikkhūnaṃ dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ
T4.376 , kevalaparipuṇṇaṃ parisuddhaṃ brahmacariyaṃ pakāseti , tattha ye kho bhikkhū sekhā appattamānasā anuttaraṃ yogakkhemaṃ patthayamānā viharanti , te taṃ dhammaṃ sutvā vīriyaṃ ārabhanti appattassa pattiyā anadhigatassaM3.173 adhigamāya asacchikatassa sacchikiriyāya .Ye pana tattha bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññāvimuttā , te taṃ dhammaṃ sutvā diṭṭhadhammasukhavihāraṃyeva
P4.363 anuyuttā viharanti .Ayaṃ , āvuso , pañcamo ānisaṃso kālena dhammassavane kālena dhammasākacchāya .
Ime kho , āvuso , pañca ānisaṃsā kālena dhammassavane kālena dhammasākacchāyā ’’ ti .
Catutthaṃ .