9. Cetokhilasuttaṃ
71.[ a . ni .5.205; dī . ni .3.319; ma . ni .1.185]‘‘ Pañcime
V3.265 , bhikkhave , cetokhilā [ cetokhīlā ( ka .)].Katame pañca ?
Idha bhikkhave , bhikkhu satthari kaṅkhati vicikicchati nādhimuccati na sampasīdati .
Yo so , bhikkhave , bhikkhu satthari kaṅkhati vicikicchati nādhimuccati na sampasīdati , tassa cittaṃ na namati ātappāya anuyogāya sātaccāya padhānāya .
Yassa cittaṃ na namati ātappāya anuyogāya sātaccāya padhānāya
T4.482 , ayaṃ paṭhamo cetokhilo .‘‘ Puna caparaṃ , bhikkhave , bhikkhu dhamme kaṅkhati … pe … saṅghe kaṅkhati … sikkhāya kaṅkhati … sabrahmacārīsu kupito hoti anattamano āhatacitto khilajāto .
Yo so , bhikkhave , bhikkhu sabrahmacārīsu kupito hoti anattamano āhatacitto khilajāto , tassa cittaṃ na namati ātappāya anuyogāya sātaccāya padhānāya .
Yassa cittaṃ na namati ātappāya anuyogāya sātaccāya padhānāya , ayaṃ pañcamo cetokhilo .
‘‘ Imesaṃ , kho , bhikkhave , pañcannaṃ cetokhilānaṃ pahānāya … pe … ime cattāro satipaṭṭhānā bhāvetabbā ’’ ti .
Navamaṃ .