2. Nīvaraṇasuttaṃ
64.‘‘ Pañcimāni , bhikkhave , nīvaraṇāni .
Katamāni pañca ?
Kāmacchandanīvaraṇaṃ , byāpādanīvaraṇaṃ , thinamiddhanīvaraṇaṃ
P4.458 , uddhaccakukkuccanīvaraṇaṃ , vicikicchānīvaraṇaṃ – imāni kho , bhikkhave , pañca nīvaraṇāni .‘‘ Imesaṃ kho , bhikkhave , pañcannaṃ nīvaraṇānaṃ pahānāya cattāro satipaṭṭhānā bhāvetabbā .
Katame cattāro ?
Idha , bhikkhave , bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ ;
vedanāsu … pe … citte … pe …
V3.263 dhammesu dhammānupassī viharati ātāpī sampajāno satimā vineyya loke abhijjhādomanassaṃ .Imesaṃ
T4.480 kho , bhikkhave , pañcannaṃ nīvaraṇānaṃ pahānāya ime cattāro satipaṭṭhānā bhāvetabbā ’’ ti .Dutiyaṃ .