10. Cetasovinibandhasuttaṃ
72.‘‘ Pañcime
P4.461 , bhikkhave , cetasovinibandhā [ cetovinibaddhā ( sāratthadīpanīṭīkā ) a . ni .5.206; dī . ni .3.320].Katame pañca ?
Idha , bhikkhave , bhikkhu kāmesu avītarāgo hoti avigatacchando avigatapemo avigatapipāso
M3.253 avigatapariḷāho avigatataṇho .Yo so , bhikkhave , bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho , tassa cittaṃ na namati ātappāya anuyogāya sātaccāya padhānāya .
Yassa cittaṃ na namati ātappāya anuyogāya sātaccāya padhānāya , ayaṃ paṭhamo cetasovinibandho .
‘‘ Puna caparaṃ , bhikkhave , bhikkhu kāye avītarāgo hoti … pe … rūpe avītarāgo hoti … yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati
V3.266 … aññataraṃ devanikāyaṃ paṇidhāya brahmacariyaṃ carati –‘ imināhaṃ sīlena vā vatena vā tapena vā brahmacariyena vā devo vā bhavissāmi devaññataro
T4.483 vā ’ ti .Yo so , bhikkhave , bhikkhu aññataraṃ devanikāyaṃ paṇidhāya brahmacariyaṃ carati –
‘ imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā ’ ti , tassa cittaṃ na namati ātappāya anuyogāya sātaccāya padhānāya .
Yassa cittaṃ na namati ātappāya anuyogāya sātaccāya padhānāya , ayaṃ pañcamo cetasovinibandho .
Ime kho , bhikkhave , pañca cetasovinibandhā .
‘‘ Imesaṃ kho , bhikkhave , pañcannaṃ cetasovinibandhānaṃ pahānāya cattāro satipaṭṭhānā bhāvetabbā .
Katame cattāro ?
Idha , bhikkhave , bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ ;
vedanāsu … pe … citte … pe … dhammesu dhammānupassī viharati ātāpī sampajāno satimā vineyya loke abhijjhādomanassaṃ .
Imesaṃ kho , bhikkhave , pañcannaṃ cetasovinibandhānaṃ pahānāya ime cattāro satipaṭṭhānā bhāvetabbā ’’ ti .
Dasamaṃ .
Satipaṭṭhānavaggo dutiyo .
Tassuddānaṃ –
Sikkhā
P4.462 nīvaraṇākāmā , khandhā ca orambhāgiyā gati ;Maccheraṃ uddhambhāgiyā aṭṭhamaṃ , cetokhilā vinibandhāti .