Nigamanakathā
Ettāvatā
M0.269V0.251 ca –Ye te petesu nibbattā , sattā dukkaṭakārino ;
Yehi kammehi tesaṃ taṃ , pāpakaṃ kaṭukapphalaṃ .
Paccakkhato vibhāventī , pucchāvissajjanehi ca ;
Yā
P0.287 desanāniyāmena , sataṃ saṃvegavaḍḍhanī .Yaṃ kathāvatthukusalā , supariññātavatthukā ;
Petavatthūti nāmena , saṅgāyiṃsu mahesayo .
Tassa atthaṃ pakāsetuṃ , porāṇaṭṭhakathānayaṃ ;
Nissāya yā samāraddhā , atthasaṃvaṇṇanā mayā .
Yā tattha paramatthānaṃ , tattha tattha yathārahaṃ ;
Pakāsanā paramattha-dīpanī nāma nāmato .
Sampattā pariniṭṭhānaṃ , anākulavinicchayā ;
Sā pannarasamattāya , pāḷiyā bhāṇavārato .
Iti taṃ saṅkharontena , yaṃ taṃ adhigataṃ mayā ;
Puññaṃ tassānubhāvena , lokanāthassa sāsanaṃ .
Ogāhetvā visuddhāya , sīlādipaṭipattiyā ;
Sabbepi dehino hontu , vimuttirasabhāgino .
Ciraṃ
V0.252 tiṭṭhatu lokasmiṃ , sammāsambuddhasāsanaṃ ;Tasmiṃ sagāravā niccaṃ , hontu sabbepi pāṇino .
Sammā
M0.270 vassatu kālena , devopi jagatīpati ;Saddhammanirato lokaṃ , dhammeneva pasāsatūti .
Iti badaratitthavihāravāsinā munivarayatinā
Bhadantena ācariyadhammapālena katā petavatthuatthasaṃvaṇṇanā niṭṭhitā .
Petavatthu-aṭṭhakathā samattā .