3. Yathā na tulye
Yathāsaddo tulyatthe vattamāno syādyantena sahe + kattho na bhavati .
Yathā devadatto , tathā yaññadatto .
Ettha upamānabhūto yathāsaddo ‘ tathā yaññadatto ’ ti upameyya + mapekkhati , tasmā ‘‘ sāpekkha + masamatthaṃ bhavatī ’’ ti ñāyā asamāse
M0.136 ‘‘ na tulye ’’ ti paṭisedho kimattha + miti ce .Yasmā ‘‘ yathā devadatto ’’ ti samudāyameva upamānaṃ bhavati , na visuṃ yathāsaddo , tasmā samudāyasseva upameyyasāpekkhatte na asāmatthiyatā na visuṃ yathāsaddassa , tasmā sādisse pattasamāsassa paṭisedhattha + midaṃ .
Tulyattheti vattabbe tulyaṃ vinā tulyatā natthīti tulyattheti avatvā tulyeti vuttaṃ .
Yathākathañci sādissaṃ , ñāyate yattha sambhavaṃ ;
Upamā nāma sā tassā , papañco bahudhā bhave .