6. Tyādikaṇḍa
Atha
M0.211 tyādayo kriyāvācīhi dhātūhi vuccante .Kriyaṃ ācikkhatīti ākhyātanti kriyāpadassa pubbācariyasaññā .
Kāla + kāraka + purisaparidīpakaṃ kriyālakkhaṇaṃ tyādyantaṃ aliṅgañca , vuttampi ce + taṃ –
Yaṃ tikālaṃ tipurisaṃ , kriyāvācī tikārakaṃ ;
Atiliṅgaṃ dvivacanaṃ , ta + dākhyātanti vuccati .
14. Kriyatthā bahulaṃ – ti
Ca sabbattha vattate .
Kriyā attho etassāti kriyattho dhātu , so ca duvidho sakammakā + kammakavasena .
Tattha yasmiṃ kriyatthe kattuvācimhā kammaṃ gavesīyate , so sakammako .
Itaro akammako .
Tatra sakammakā kammāpekkhaṃ kriyaṃ vadanti , yathā kaṭaṃ karoti , gāmaṃ gacchati , odanaṃ pacati .
Akammakā kammanirapekkhaṃ kriyaṃ vadanti , yathā acchati seti tiṭṭhati .
Kriyāti ca gamanapacanādiko asattasammato kattari kamme vā patiṭṭhito kārakasamūhasādhiyo padattho vuccati .
Api ca –
Karaṇaṃ bhavanaṃ cāpi , kara + bhūhi kathīyate ;
Tato kriyādivācattaṃ , pākādīnaṃ kathaṃ bhave .
Kara + bhūdhātūhi karaṇañca bhavanañca vuccati , pāka + gamanādīhi tesaṃ kriyābhavanānaṃ vāccattaṃ kathaṃ bhavatīti vuttaṃ hoti .
Punapi –
Pākādīnañhi
M0.212 vāccattaṃ , karabhūsu na yujjati ;Taṃ bahutaravāccattaṃ , pākādīsu na yujjati .
Taṃ nāma –
Kāriyarūpā hi dhātvatthā , sattāyuttā ca te + khilā ;
Tato kriyā ca bhāvo ca , sāmaññaṃ tesu gamyate .