78. Ta + mettha + ssa + tthīti mantu
Paṭhamantā ettha assa atthīti etesva + tthesu mantu hoti .
Gāvo ettha dese assa vā purisassa santīti gomā , gomanto iccādi guṇavantusamaṃ .
Atthīti vattamānakālopādānato bhūtāhi bhavissantīhi vā gohi na gomā .
Kathaṃ gomā āsi , gomā bhavissatīti .
Tadāpi vattamānāhiyeva gohi gomā , āsi bhavissatīti padantarā kālantaraṃ .
Itisaddato visayaniyamo .
Vuttañhi –
Pahūte ca pasaṃsāyaṃ , nindāyañcā + tisāyane ;
Niccayoge ca saṃsagge , honti + me mantuādayoti .