41. Kvacaṇa
Kammato parā kriyatthā kvaci aṇa hoti kattari .
Kumbhaṃ karotīti kumbhakāro , amādisamāso .
Itthiyaṃ kumbhakārī .
Evaṃ kammakāro , māsākāro , kaṭṭhakāro , rathakāro suvaṇṇakāro
M0.273 , suttakāro , vuttikāro , ṭīkākāro .Saraṃ lunātīti saralāvoti o + avādesā .
Mante ajjhāyatīti manthajjhāyo , i = ajjhenagatīsu , adhipubbo , e + ayādesā , adhino issa yakāra + cavaggādayo ca .
Bahulādhikārā iha na hoti ‘‘ ādiccaṃ passati , himavantaṃ suṇoti , gāmaṃ gacchati ’’.
Kvacīti kiṃ , kammakaro , ettha apaccayo .