26. Labha vasa + cchida bhida rudānaṃ cchaṅa
Labhādīnaṃ cchaṅa hoti ssena saha .
Lacchati labhissati , lacchanti labhissanti iccādi .
Kriyātipattiyaṃ ssābhāgassa cchaṅādese alacchā alabhissa iccādi .
Vasa = nivāse , vacchati vasissati .
Kamme-bahulādhikārā ‘‘ assū ’’ ti ukāro
M0.233 , pubbarūpe vussati vussissati iccādi .Tathā avacchā avasissā .
Chida = dvedhākaraṇe , checchati chindissati ,‘‘ mañca rudhādīnaṃ ’’ ti maṃ lo ca .
Lassa lopo ca .
Bhida = vidāraṇe , bhecchati bhindissati .
Abhecchā abhindissā .
Ruda = rodane , rucchati rodissati .
Arucchā arodissā iccādi .
Aññapaccayepi chidassa ‘‘ cchaṅa ’’ iti yogavibhāgā cchaṅa , bhūte ūṃ paccaye acchecchuṃ acchindiṃsu .
Vuttato aññadhātūnañca , gama = gamane , gacchaṃ gacchissaṃ .
Aññapaccayepi vaca = byattavacane iccādi , kamme-bahulādhikārā tyādīsu parabhūtesupi yathāgamaṃ vacādīnañcassa ‘‘ vacādīnaṃ vassuṭa vā ’’ ti kamme uṭa ca ‘‘ assū ’’ ti assa u ca , tena dhammo uccati vuccati , vuccanti iccādi , yassa ca pubbarūpaṃ .