4. Suddhaṭṭhakasuttaṃ
794.
Passāmi
V0.202 suddhaṃ paramaṃ arogaṃ , diṭṭhena saṃsuddhi narassa hoti ;Evābhijānaṃ
T0.489 [ etābhijānaṃ ( sī . pī .)] paramanti ñatvā , suddhānupassīti pacceti ñāṇaṃ . 795.
Diṭṭhena
P0.155 ce suddhi narassa hoti , ñāṇena vā so pajahāti dukkhaṃ ;Aññena so sujjhati sopadhīko , diṭṭhī hi naṃ pāva tathā vadānaṃ .
796.
Na brāhmaṇo aññato suddhimāha , diṭṭhe sute sīlavate mute vā ;
Puññe ca pāpe ca anūpalitto , attañjaho nayidha pakubbamāno .
797.
Purimaṃ pahāya aparaṃ sitāse , ejānugā te na taranti saṅgaṃ ;
Te uggahāyanti nirassajanti , kapīva sākhaṃ pamuñcaṃ gahāyaṃ [ pamukhaṃ gahāya ( syā .), pamuñca gahāya ( ka .)].
798.
Sayaṃ
M0.403 samādāya vatāni jantu , uccāvacaṃ gacchati saññasatto ;Vidvā ca vedehi samecca dhammaṃ , na uccāvacaṃ gacchati bhūripañño .
799.
Sa sabbadhammesu visenibhūto , yaṃ kiñci diṭṭhaṃ va sutaṃ mutaṃ vā ;
Tameva
T0.490 dassiṃ vivaṭaṃ carantaṃ , kenīdha lokasmi vikappayeyya . 800.
Na kappayanti na purekkharonti , accantasuddhīti na te vadanti ;
Ādānaganthaṃ
P0.156 gathitaṃ visajja , āsaṃ na kubbanti kuhiñci loke . 801.
Sīmātigo brāhmaṇo tassa natthi , ñatvā va disvā va [ ñatvā ca disvā ca ( ka . sī . ka .)] samuggahītaṃ ;
Na rāgarāgī na virāgaratto , tassīdha natthī paramuggahītanti .
Suddhaṭṭhakasuttaṃ catutthaṃ niṭṭhitaṃ .