8. Mettasuttaṃ

Tác giả： _System_Pali_VRI_ @ Administrator

143.

Karaṇīyamatthakusalena , yanta santaṃ padaṃ abhisamecca ;

Sakko ujū ca suhujū [ sūjū ( sī .)] ca , sūvaco cassa mudu anatimānī .

144.

Santussako ca subharo ca , appakicco ca sallahukavutti ;

Santindriyo ca nipako ca , appagabbho kulesvananugiddho .

145.

NaM0.301 ca khuddamācare kiñci , yena viññū pare upavadeyyuṃ ;

Sukhino va khemino hontu , sabbasattā [ sabbe sattā ( sī . syā .)] bhavantu sukhitattā .

146.

YeV0.107 keci pāṇabhūtatthi , tasāT0.354 vā thāvarā vanavasesā ;

Dīghā vā ye va mahantā [ mahanta (?)], majjhimā rassakā aṇukathūlā .

147.

DiṭṭhāP0.26 vā ye va adiṭṭhā [ adiṭṭha (?)], ye va [ ye ca ( sī . syā . kaṃ . pī .)] dūre vasanti avidūre ;

Bhūtā va sambhavesī va [ bhūtā vā sambhavesī vā ( syā . kaṃ . pī . ka .)], sabbasattā bhavantu sukhitattā .

148.

Na paro paraṃ nikubbetha , nātimaññetha katthaci na kañci [ naṃ kañci ( sī . pī .), naṃ kiñci ( syā .), na kiñci ( ka .)];

Byārosanā paṭighasaññā , nāññamaññassa dukkhamiccheyya .

149.

Mātā yathā niyaṃ puttamāyusā ekaputtamanurakkhe ;

Evampi sabbabhūtesu , mānasaṃ bhāvaye aparimāṇaṃ .

150.

Mettañca sabbalokasmi , mānasaṃ bhāvaye aparimāṇaṃ ;

Uddhaṃ adho ca tiriyañca , asambādhaṃ averamasapattaṃ .

151.

TiṭṭhaṃM0.302 caraṃ nisinno va [ vā ( sī . syā . kaṃ . pī .)], sayānoT0.355 yāvatāssa vitamiddho [ vigatamiddo ( bahūsu )];

Etaṃ satiṃ adhiṭṭheyya , brahmametaṃ vihāramidhamāhu .

152.

Diṭṭhiñca anupaggamma , sīlavā dassanena sampanno ;

Kāmesu vinaya [ vineyya ( sī . syā . pī .)] gedhaṃ , na hi jātuggabbhaseyya punaretīti .

Mettasuttaṃ aṭṭhamaṃ niṭṭhitaṃ .