11. Kalahavivādasuttaṃ
868.
‘‘ Kutopahūtā
M0.413T0.502 kalahā vivādā , paridevasokā sahamaccharā ca ;Mānātimānā sahapesuṇā ca , kutopahūtā te tadiṅgha brūhi ’’.
869.
‘‘ Piyappahūtā kalahā vivādā ,
Paridevasokā sahamaccharā ca ;
Mānātimānā sahapesuṇā ca ,
Maccherayuttā kalahā vivādā ;
Vivādajātesu ca pesuṇāni ’’.
870.
‘‘ Piyā
P0.169 su [ piyānu ( syā .), piyassu ( ka .)] lokasmiṃ kutonidānā , ye cāpi [ ye vāpi ( sī . syā . pī .)] lobhā vicaranti loke ;Āsā ca niṭṭhā ca kutonidānā , ye samparāyāya narassa honti ’’.
871.
‘‘ Chandānidānāni piyāni loke , ye cāpi lobhā vicaranti loke ;
Āsā ca niṭṭhā ca itonidānā , ye samparāyāya narassa honti ’’.
872.
‘‘ Chando
T0.503 nu lokasmiṃ kutonidāno , vinicchayā cāpi [ vāpi ( sī . syā . pī .)] kutopahūtā ;Kodho mosavajjañca kathaṃkathā ca , ye vāpi dhammā samaṇena vuttā ’’.
873.
‘‘ Sātaṃ
V0.212 asātanti yamāhu loke , tamūpanissāya pahoti chando ;Rūpesu disvā vibhavaṃ bhavañca , vinicchayaṃ kubbati [ kurute ( bahūsu )] jantu loke .
874.
‘‘ Kodho
M0.414 mosavajjañca kathaṃkathā ca , etepi dhammā dvayameva sante ;Kathaṃkathī ñāṇapathāya sikkhe , ñatvā pavuttā samaṇena dhammā ’’.
875.
‘‘ Sātaṃ asātañca kutonidānā , kismiṃ asante na bhavanti hete ;
Vibhavaṃ bhavañcāpi yametamatthaṃ , etaṃ me pabrūhi yatonidānaṃ ’’.
876.
‘‘ Phassanidānaṃ sātaṃ asātaṃ , phasse asante na bhavanti hete ;
Vibhavaṃ
P0.170 bhavañcāpi yametamatthaṃ , etaṃ te pabrūmi itonidānaṃ ’’. 877.
‘‘ Phasso
T0.504 nu lokasmi kutonidāno , pariggahā cāpi kutopahūtā ;Kismiṃ asante na mamattamatthi , kismiṃ vibhūte na phusanti phassā ’’.
878.
‘‘ Nāmañca rūpañca paṭicca phasso , icchānidānāni pariggahāni ;
Icchāyasantyā na mamattamatthi , rūpe vibhūte na phusanti phassā ’’.
879.
‘‘ Kathaṃsametassa vibhoti rūpaṃ , sukhaṃ dukhañcāpi [ dukhaṃ vāpi ( sī . syā .)] kathaṃ vibhoti ;
Etaṃ me pabrūhi yathā vibhoti , taṃ jāniyāmāti [ jānissāmāti ( sī . ka .)] me mano ahu ’’.
880.
‘‘ Na saññasaññī na visaññasaññī , nopi asaññī na vibhūtasaññī ;
Evaṃsametassa vibhoti rūpaṃ , saññānidānā hi papañcasaṅkhā ’’.
881.
‘‘ Yaṃ
M0.415 taṃ apucchimha akittayī no ,Aññaṃ taṃ pucchāma tadiṅgha brūhi ;
Ettāvataggaṃ
P0.171 nu [ no ( sī . syā .)] vadanti heke ,Yakkhassa suddhiṃ idha paṇḍitāse ;
Udāhu
T0.505 aññampi vadanti etto . 882.
‘‘ Ettāvataggampi
V0.213 vadanti heke , yakkhassa suddhiṃ idha paṇḍitāse ;Tesaṃ paneke samayaṃ vadanti , anupādisese kusalā vadānā .
883.
‘‘ Ete ca ñatvā upanissitāti , ñatvā munī nissaye so vimaṃsī ;
Ñatvā vimutto na vivādameti , bhavābhavāya na sameti dhīro ’’ ti .
Kalahavivādasuttaṃ ekādasamaṃ niṭṭhitaṃ .