2. Tissametteyyamāṇavapucchā
1046.
‘‘ Kodha
M0.435P0.199 santusito loke ,( iccāyasmā tissametteyyo )Kassa no santi iñjitā ;
Ko ubhantamabhiññāya , majjhe mantā na lippati [ limpati ( ka .)];
Kaṃ brūsi mahāpurisoti , ko idha sibbinimaccagā ’’.
1047.
‘‘ Kāmesu brahmacariyavā ,( metteyyāti bhagavā )
Vītataṇho sadā sato ;
Saṅkhāya
T0.532 nibbuto bhikkhu , tassa no santi iñjitā . 1048.
‘‘ So ubhantamabhiññāya , majjhe mantā na lippati ;
Taṃ brūmi mahāpurisoti , so idha sibbinimaccagā ’’ ti .
Tissametteyyamāṇavapucchā dutiyā niṭṭhitā .