14. Tuvaṭakasuttaṃ
921.
‘‘ Pucchāmi
P0.179 taṃ ādiccabandhu [ ādiccabandhuṃ ( sī . syā .)], vivekaṃ santipadañca mahesi ;Kathaṃ disvā nibbāti bhikkhu , anupādiyāno lokasmiṃ kiñci ’’.
922.
‘‘ Mūlaṃ papañcasaṅkhāya ,( iti bhagavā )
Mantā asmīti sabbamuparundhe [ sabbamuparuddhe ( syā . pī . ka .)];
Yā kāci taṇhā ajjhattaṃ ,
Tāsaṃ vinayā [ vinayāya (?)] sadā sato sikkhe .
923.
‘‘ Yaṃ kiñci dhammamabhijaññā , ajjhattaṃ athavāpi bahiddhā ;
Na tena thāmaṃ [ mānaṃ ( sī . ka .)] kubbetha , na
T0.514 hi sā nibbuti sataṃ vuttā . 924.
‘‘ Seyyo na tena maññeyya , nīceyyo athavāpi sarikkho ;
Phuṭṭho [ puṭṭho ( sī . syā . ka .)] anekarūpehi , nātumānaṃ vikappayaṃ tiṭṭhe .
925.
‘‘ Ajjhattamevupasame
V0.218 , na aññato bhikkhu santimeseyya ;Ajjhattaṃ upasantassa , natthi attā kuto nirattā vā .
926.
‘‘ Majjhe
M0.422P0.180 yathā samuddassa , ūmi no jāyatī ṭhito hoti ;Evaṃ ṭhito anejassa , ussadaṃ bhikkhu na kareyya kuhiñci ’’.
927.
‘‘ Akittayī vivaṭacakkhu , sakkhidhammaṃ parissayavinayaṃ ;
Paṭipadaṃ vadehi bhaddante , pātimokkhaṃ athavāpi samādhiṃ ’’.
928.
‘‘ Cakkhūhi neva lolassa , gāmakathāya āvaraye sotaṃ ;
Rase ca nānugijjheyya , na
T0.515 ca mamāyetha kiñci lokasmiṃ . 929.
‘‘ Phassena yadā phuṭṭhassa , paridevaṃ bhikkhu na kareyya kuhiñcñcci ;
Bhavañca nābhijappeyya , bheravesu ca na sampavedheyya .
930.
‘‘ Annānamatho pānānaṃ , khādanīyānaṃ athopi vatthānaṃ ;
Laddhā na sannidhiṃ kayirā , na ca parittase tāni alabhamāno .
931.
‘‘ Jhāyī na pādalolassa , virame kukkuccā nappamajjeyya ;
Athāsanesu sayanesu , appasaddesu bhikkhu vihareyya .
932.
‘‘ Niddaṃ
P0.181 na bahulīkareyya , jāgariyaṃ bhajeyya ātāpī ;Tandiṃ māyaṃ hassaṃ khiḍḍaṃ , methunaṃ vippajahe savibhūsaṃ .
933.
‘‘ Āthabbaṇaṃ
M0.423 supinaṃ lakkhaṇaṃ , no vidahe athopi nakkhattaṃ ;Virutañca gabbhakaraṇaṃ , tikicchaṃ
T0.516 māmako na seveyya . 934.
‘‘ Nindāya nappavedheyya , na uṇṇameyya pasaṃsito bhikkhu ;
Lobhaṃ saha macchariyena , kodhaṃ pesuṇiyañca panudeyya .
935.
‘‘ Kayavikkaye
V0.219 na tiṭṭheyya , upavādaṃ bhikkhu na kareyya kuhiñci ;Gāme ca nābhisajjeyya , lābhakamyā janaṃ na lapayeyya .
936.
‘‘ Na ca katthitā siyā bhikkhu , na ca vācaṃ payuttaṃ bhāseyya ;
Pāgabbhiyaṃ na sikkheyya , kathaṃ viggāhikaṃ na kathayeyya .
937.
‘‘ Mosavajje na nīyetha , sampajāno saṭhāni na kayirā ;
Atha
P0.182 jīvitena paññāya , sīlabbatena nāññamatimaññe . 938.
‘‘ Sutvā rusito bahuṃ vācaṃ , samaṇānaṃ vā puthujanānaṃ [ puthuvacanānaṃ ( sī . syā . pī .)];
Pharusena ne na paṭivajjā , na
T0.517 hi santo paṭisenikaronti . 939.
‘‘ Etañca dhammamaññāya , vicinaṃ bhikkhu sadā sato sikkhe ;
Santīti nibbutiṃ ñatvā , sāsane gotamassa na pamajjeyya .
940.
‘‘ Abhibhū
M0.424 hi so anabhibhūto , sakkhidhammamanītihamadassī ;Tasmā hi tassa bhagavato sāsane , appamatto sadā namassamanusikkhe ’’ ti .
Tuvaṭakasuttaṃ cuddasamaṃ niṭṭhitaṃ .