13. Mahābyūhasuttaṃ
901.
Ye kecime diṭṭhiparibbasānā , idameva saccanti vivādayanti [ vivādiyanti ( sī . pī .)];
Sabbeva te nindamanvānayanti , atho pasaṃsampi labhanti tattha .
902.
Appañhi
P0.175 etaṃ na alaṃ samāya , duve vivādassa phalāni brūmi ;Etampi disvā na vivādayetha , khemābhipassaṃ avivādabhūmiṃ .
903.
Yā kācimā sammutiyo puthujjā , sabbāva etā na upeti vidvā ;
Anūpayo so upayaṃ kimeyya , diṭṭhe sute khantimakubbamāno .
904.
Sīluttamā saññamenāhu suddhiṃ , vataṃ samādāya upaṭṭhitāse ;
Idheva sikkhema athassa suddhiṃ , bhavūpanītā
T0.510 kusalā vadānā . 905.
Sace cuto sīlavatato hoti , pavedhatī [ sa vedhati ( sī . pī .)] kamma virādhayitvā ;
Pajappatī patthayatī ca suddhiṃ , satthāva hīno pavasaṃ gharamhā .
906.
Sīlabbataṃ
M0.419 vāpi pahāya sabbaṃ , kammañca sāvajjanavajjametaṃ ;Suddhiṃ
P0.176 asuddhinti apatthayāno , virato care santimanuggahāya . 907.
Tamūpanissāya jigucchitaṃ vā , athavāpi diṭṭhaṃ va sutaṃ mutaṃ vā ;
Uddhaṃsarā suddhimanutthunanti , avītataṇhāse bhavābhavesu .
908.
Patthayamānassa
V0.216 hi jappitāni , pavedhitaṃ vāpi pakappitesu ;Cutūpapāto idha yassa natthi , sa kena vedheyya kuhiṃva jappe [ kuhiñci jappe ( sī . syā . ka .), kuhiṃ pajappe ( pī .) niddeso passitabbo ].
909.
Yamāhu dhammaṃ paramanti eke , tameva hīnanti panāhu aññe ;
Sacco nu vādo katamo imesaṃ , sabbeva
T0.511 hīme kusalā vadānā . 910.
Sakañhi dhammaṃ paripuṇṇamāhu , aññassa dhammaṃ pana hīnamāhu ;
Evampi viggayha vivādayanti , sakaṃ sakaṃ sammutimāhu saccaṃ .
911.
Parassa ce vambhayitena hīno , na koci dhammesu visesi assa ;
Puthū hi aññassa vadanti dhammaṃ , nihīnato samhi daḷhaṃ vadānā .
912.
Saddhammapūjāpi
P0.177 nesaṃ tatheva , yathā pasaṃsanti sakāyanāni ;Sabbeva vādā [ sabbe pavādā ( syā .)] tathiyā [ tathivā ( sabbattha )] bhaveyyuṃ , suddhī hi nesaṃ paccattameva .
913.
Na
M0.420 brāhmaṇassa paraneyyamatthi , dhammesu niccheyya samuggahītaṃ ;Tasmā vivādāni upātivatto , na hi seṭṭhato passati dhammamaññaṃ .
914.
Jānāmi passāmi tatheva etaṃ , diṭṭhiyā eke paccenti suddhiṃ ;
Addakkhi ce kiñhi tumassa tena , atisitvā
T0.512 aññena vadanti suddhiṃ . 915.
Passaṃ naro dakkhati [ dakkhiti ( sī .)] nāmarūpaṃ , disvāna vā ñassati tānimeva ;
Kāmaṃ bahuṃ passatu appakaṃ vā , na hi tena suddhiṃ kusalā vadanti .
916.
Nivissavādī na hi subbināyo , pakappitaṃ diṭṭhi purekkharāno ;
Yaṃ nissito tattha subhaṃ vadāno , suddhiṃvado tattha tathaddasā so .
917.
Na brāhmaṇo kappamupeti saṅkhā [ saṅkhaṃ ( sī . syā . pī .)], na diṭṭhisārī napi ñāṇabandhu ;
Ñatvā
P0.178 ca so sammutiyo [ sammatiyo ( syā .)] puthujjā , upekkhatī uggahaṇanti maññe . 918.
Vissajja
V0.217 ganthāni munīdha loke , vivādajātesu na vaggasārī ;Santo asantesu upekkhako so , anuggaho uggahaṇanti maññe .
919.
Pubbāsave hitvā nave akubbaṃ , na chandagū nopi nivissavādī ;
Sa vippamutto diṭṭhigatehi dhīro , na
T0.513 limpati [ na lippati ( sī . pī .)] loke anattagarahī . 920.
Sa
M0.421 sabbadhammesu visenibhūto , yaṃ kiñci diṭṭhaṃ va sutaṃ mutaṃ vā ;Sa pannabhāro muni vippamutto , na kappiyo nūparato na patthiyoti .
Mahābyūhasuttaṃ terasamaṃ niṭṭhitaṃ .