15. Mogharājamāṇavapucchā
1122.
‘‘ Dvāhaṃ sakkaṃ apucchissaṃ ,( iccāyasmā mogharājā )
Na me byākāsi cakkhumā ;
Yāvatatiyañca devīsi , byākarotīti me sutaṃ .
1123.
‘‘ Ayaṃ loko paro loko , brahmaloko sadevako ;
Diṭṭhiṃ te nābhijānāti , gotamassa yasassino .
1124.
‘‘ Evaṃ
V0.245P0.217T0.549 abhikkantadassāviṃ , atthi pañhena āgamaṃ ;Kathaṃ lokaṃ avekkhantaṃ , maccurājā na passati ’’.
1125.
‘‘ Suññato
M0.448 lokaṃ avekkhassu , mogharāja sadā sato ;Attānudiṭṭhiṃ ūhacca , evaṃ maccutaro siyā ;
Evaṃ lokaṃ avekkhantaṃ , maccurājā na passatī ’’ ti .
Mogharājamāṇavapucchā pannarasamā niṭṭhitā .