9. Hemavatasuttaṃ

153.

‘‘ AjjaP0.27 pannaraso uposatho ,( iti sātāgiro yakkho )

Dibbā [ dibyā ( sī . syā . kaṃ . pī .)] ratti upaṭṭhitā ;

Anomanāmaṃ satthāraṃ , handa passāma gotamaṃ ’’.

154.

‘‘ KacciV0.108 mano supaṇihito ,( iti hemavato yakkho )

Sabbabhūtesu tādino ;

Kacci iṭṭhe aniṭṭhe ca , saṅkappassa vasīkatā ’’.

155.

‘‘ Mano cassa supaṇihito ,( iti sātāgiro yakkho )

Sabbabhūtesu tādino ;

Atho iṭṭhe aniṭṭhe ca , saṅkappassa vasīkatā ’’.

156.

‘‘ KacciT0.356 adinnaṃ nādiyati ,( iti hemavato yakkho )

Kacci pāṇesu saññato ;

Kacci ārā pamādamhā , kacci jhānaṃ na riñcati ’’.

157.

‘‘ NaM0.303 so adinnaṃ ādiyati ,( iti sātāgiro yakkho )

Atho pāṇesu saññato ;

Atho ārā pamādamhā , buddho jhānaṃ na riñcati ’’.

158.

‘‘ Kacci musā na bhaṇati ,( iti hemavato yakkho )

Kacci na khīṇabyappatho ;

KacciP0.28 vebhūtiyaṃ nāha , kacci samphaṃ na bhāsati ’’.

159.

‘‘ Musā ca so na bhaṇati ,( iti sātāgiro yakkho )

Atho na khīṇabyappatho ;

Atho vebhūtiyaṃ nāha , mantā atthaṃ ca [ atthaṃ so ( sī . pī . ka .)] bhāsati ’’.

160.

‘‘ Kacci na rajjati kāmesu ,( iti hemavato yakkho )

Kacci cittaṃ anāvilaṃ ;

Kacci mohaṃ atikkanto , kacci dhammesu cakkhumā ’’.

161.

‘‘ NaV0.109 so rajjati kāmesu ,( iti sātāgiro yakkho )

Atho cittaṃ anāvilaṃ ;

Sabbamohaṃ atikkanto , buddho dhammesu cakkhumā ’’.

162.

‘‘ Kacci vijjāya sampanno ,( iti hemavato yakkho )

Kacci saṃsuddhacāraṇo ;

KaccissaT0.357 āsavā khīṇā , kacci natthi punabbhavo ’’.

163.

‘‘ VijjāyaP0.29 ceva sampanno ,( iti sātāgiro yakkho )

Atho saṃsuddhacāraṇo ;

Sabbassa āsavā khīṇā , natthi tassa punabbhavo ’’.

164.

‘‘ SampannaṃM0.304 munino cittaṃ , kammunā byappathena ca ;

Vijjācaraṇasampannaṃ , dhammato naṃ pasaṃsati ’’.

165.

‘‘ Sampannaṃ munino cittaṃ , kammunā byappathena ca ;

Vijjācaraṇasampannaṃ , dhammato anumodasi ’’.

166.

‘‘ Sampannaṃ munino cittaṃ , kammunā byappathena ca ;

Vijjācaraṇasampannaṃ , handa passāma gotamaṃ .

167.

‘‘ Eṇijaṅghaṃ kisaṃ vīraṃ [ dhīraṃ ( syā .)], appāhāraṃ alolupaṃ ;

Muniṃ vanasmiṃ jhāyantaṃ , ehi passāma gotamaṃ .

168.

‘‘ Sīhaṃvekacaraṃ nāgaṃ , kāmesu anapekkhinaṃ ;

Upasaṅkamma pucchāma , maccupāsappamocanaṃ .

169.

‘‘ Akkhātāraṃ pavattāraṃ , sabbadhammāna pāraguṃ ;

Buddhaṃ verabhayātītaṃ , mayaṃ pucchāma gotamaṃ ’’.

170.

‘‘ KismiṃV0.110 loko samuppanno ,( iti hemavato yakkho )

Kismiṃ kubbati santhavaṃ [ sandhavaṃ ( ka .)];

Kissa loko upādāya , kismiṃ loko vihaññati ’’.

171.

‘‘ ChasuP0.30T0.358 [ chassu ( sī . pī .)] loko samuppanno ,( hemavatāti bhagavā )

Chasu kubbati santhavaṃ ;

Channameva upādāya , chasu loko vihaññati ’’.

172.

‘‘ Katamaṃ taṃ upādānaṃ , yattha loko vihaññati ;

Niyyānaṃ pucchito brūhi , kathaṃ dukkhā pamuccati ’’[ pamuñcati ( syā .)].

173.

‘‘ Pañca kāmaguṇā loke , manochaṭṭhā paveditā ;

Ettha chandaṃ virājetvā , evaṃ dukkhā pamuccati .

174.

‘‘ Etaṃ lokassa niyyānaṃ , akkhātaṃ vo yathātathaṃ ;

Etaṃ vo ahamakkhāmi , evaṃ dukkhā pamuccati ’’.

175.

‘‘ KoM0.305 sūdha tarati oghaṃ , kodha tarati aṇṇavaṃ ;

Appatiṭṭhe anālambe , ko gambhīre na sīdati ’’.

176.

‘‘ Sabbadā sīlasampanno , paññavā susamāhito ;

Ajjhattacintī [ ajjhattasaññī ( syā . kaṃ . ka .)] satimā , oghaṃ tarati duttaraṃ .

177.

‘‘ Virato kāmasaññāya , sabbasaṃyojanātigo ;

Nandībhavaparikkhīṇo , so gambhīre na sīdati ’’.

178.

‘‘ Gabbhīrapaññaṃ nipuṇatthadassiṃ , akiñcanaṃ kāmabhave asattaṃ ;

Taṃ passatha sabbadhi vippamuttaṃ , dibbe pathe kamamānaṃ mahesiṃ .

179.

‘‘ AnomanāmaṃV0.111 nipuṇatthadassiṃ , paññādadaṃT0.359 kāmālaye asattaṃ ;

TaṃP0.31 passatha sabbaviduṃ sumedhaṃ , ariye pathe kamamānaṃ mahesiṃ .

180.

‘‘ Sudiṭṭhaṃ vata no ajja , suppabhātaṃ suhuṭṭhitaṃ ;

Yaṃ addasāma sambuddhaṃ , oghatiṇṇamanāsavaṃ .

181.

‘‘ Ime dasasatā yakkhā , iddhimanto yasassino ;

Sabbe taṃ saraṇaṃ yanti , tvaṃ no satthā anuttaro .

182.

‘‘ Te mayaṃ vicarissāma , gāmā gāmaṃ nagā nagaṃ ;

Namassamānā sambuddhaṃ , dhammassa ca sudhammatan ’’ ti .

Hemavatasuttaṃ navamaṃ niṭṭhitaṃ .

Issues

Select Version

Suttanipātapāḷi

Suttanipātapāḷi