5. Mātāputtasuttavaṇṇanā
55. Pañcame vissāsoti visacchāyasantāno bhāvo .
Otāroti tattha cittassa anuppaveso .
Gahetvāti attano eva okāsaṃ gahetvā .
Khepetvāti kusalavāraṃ khepetvā .
Ghaṭṭeyyāti akkamanādivasena bādheyya .
Tīhi pariññāhīti ñātatīraṇappahānasaṅkhātāhi tīhi pariññāhi .
Natthi etesaṃ kutoci bhayanti akutobhayā , nibbhayāti attho .
Catunnaṃ oghānaṃ , saṃsāramahoghasseva vā pāraṃ pariyantaṃ gatā .
Tenāha ‘‘ pāraṃ vuccati nibbānan ’’ tiādi .
Mātāputtasuttavaṇṇanā niṭṭhitā .