9. Visākhāsuttaṃ
19. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde .
Tena kho pana samayena visākhāya migāramātuyā kocideva attho raññe pasenadimhi kosale paṭibaddho [ paṭibandho ( pī . ka .)] hoti .
Taṃ rājā pasenadi kosalo na yathādhippāyaṃ tīreti
T0.99 .Atha kho visākhā migāramātā divā divassa [ divādivasseva ( syā .), divādivasseyeva ( pī .), divā divassayeva ( ka .)] yena bhagavā tenupasaṅkami ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinnaṃ kho visākhaṃ migāramātaraṃ bhagavā
V0.89 etadavoca –‘‘ handa kuto nu tvaṃ , visākhe , āgacchasi divā divassā ’’ ti ?
‘‘ Idha me , bhante , kocideva attho raññe pasenadimhi kosale paṭibaddho ;
taṃ rājā pasenadi kosalo na yathādhippāyaṃ tīretī ’’ ti .
Atha
M0.98 kho bhagavā etamatthaṃ viditvā tāyaṃ velāyaṃ imaṃ udānaṃ udānesi –‘‘ Sabbaṃ paravasaṃ dukkhaṃ , sabbaṃ issariyaṃ sukhaṃ ;
Sādhāraṇe vihaññanti , yogā hi duratikkamā ’’ ti .
navamaṃ ;