9. Upasenasuttaṃ

Author： _System_Pali_VRI_ @ Administrator

39. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe .

Atha kho āyasmato upasenassaP0.46 vaṅgantaputtassa rahogatassa paṭisallīnassa evaṃ cetaso parivitakkoV0.121 udapādi –

‘‘ lābhā vata me , suladdhaṃ vata me , satthā ca me bhagavā arahaṃ sammāsambuddho ;

svākkhāte camhi dhammavinaye agārasmā anagāriyaṃ pabbajito ;

sabrahmacārino ca me sīlavanto kalyāṇadhammā ;

sīlesu camhi paripūrakārī ;

susamāhito camhi ekaggacitto ;

arahā camhi khīṇāsavo ;

mahiddhiko camhi mahānubhāvo .

Bhaddakaṃ me jīvitaṃ , bhaddakaṃ maraṇan ’’ ti .

Atha kho bhagavā āyasmato upasenassa vaṅgantaputtassa cetasā cetoparivitakkamaññāya tāyaṃ velāyaṃ imaṃ udānaṃ udānesi –

‘‘ YaṃM0.132 jīvitaṃ na tapati , maraṇante na socati ;

Sa ve diṭṭhapado dhīro , sokamajjhe na socati .

‘‘ UcchinnabhavataṇhassaT0.143 , santacittassa bhikkhuno ;

Vikkhīṇo jātisaṃsāro , natthi tassa punabbhavo ’’ ti .

navamaṃ ;