6. Piṇḍolasuttaṃ
36. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena āyasmā piṇḍolabhāradvājo bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya āraññiko piṇḍapātiko paṃsukūliko tecīvariko appiccho santuṭṭho pavivitto asaṃsaṭṭho āraddhavīriyo [ āraddhaviriyo ( sī . syā . kaṃ . pī .)] dhutavādo adhicittamanuyutto .
Addasā kho bhagavā āyasmantaṃ piṇḍolabhāradvājaṃ
P0.43 avidūre nisinnaṃ pallaṅkaṃ ābhujitvā ujuṃ kāyaṃ paṇidhāya āraññikaṃ piṇḍapātikaṃ paṃsukūlikaṃ tecīvarikaṃ appicchaṃ santuṭṭhaṃ pavivittaṃ asaṃsaṭṭhaṃ āraddhavīriyaṃ dhutavādaṃ adhicittamanuyuttaṃT0.137 .Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ Anūpavādo
V0.117 anūpaghāto [ anupavādo anupaghāto ( syā . pī . ka .)], pātimokkhe ca saṃvaro ;Mattaññutā ca bhattasmiṃ , pantañca sayanāsanaṃ ;
Adhicitte ca āyogo , etaṃ buddhāna sāsanan ’’ ti .
chaṭṭhaṃ ;