7. Dvidhāpathasuttaṃ

Author： _System_Pali_VRI_ @ Administrator

7. Dvidhāpathasuttaṃ

77. EvaṃM0.189 me sutaṃ – ekaṃ samayaṃ bhagavā kosalesu addhānamaggapaṭipanno hoti āyasmatā nāgasamālena pacchāsamaṇena .

Addasā kho āyasmā nāgasamālo antarāmagge dvidhāpathaṃ [ dvedhāpathaṃ ( sī .)].

Disvāna bhagavantaṃ etadavoca –

‘‘ ayaṃ , bhante , bhagavā pantho ;

iminā gacchāmā ’’ ti .

Evaṃ vutte , bhagavā āyasmantaṃ nāgasamālaṃ etadavoca –

‘‘ ayaṃ , nāgasamāla , pantho ;

iminā gacchāmā ’’ ti .

Dutiyampi … pe … tatiyampi kho āyasmā nāgasamālo bhagavantaṃ etadavoca –

‘‘ ayaṃ , bhante , bhagavā pantho ;

iminā gacchāmā ’’ tiT0.223 .

Tatiyampi kho bhagavā āyasmantaṃ nāgasamālaṃ etadavoca –

‘‘ ayaṃ , nāgasamāla , pantho ;

iminā gacchāmā ’’ ti .

Atha kho āyasmā nāgasamālo bhagavato pattacīvaraṃ tattheva chamāyaṃ nikkhipitvā pakkāmi –

‘‘ idaṃ , bhante , bhagavato pattacīvaran ’’ ti .

Atha kho āyasmato nāgasamālassa tena panthena gacchantassa antarāmagge corā nikkhamitvā hatthehi ca pādehi ca ākoṭesuṃ pattañca bhindiṃsu saṅghāṭiñca vipphālesuṃ .

Atha khoP0.91 āyasmā nāgasamālo bhinnena pattena vipphālitāya saṅghāṭiyā yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmā nāgasamālo bhagavantaṃ etadavoca –

‘‘ idha mayhaṃ , bhante , tena panthena gacchantassa antarāmagge corā nikkhamitvā hatthehi ca pādehi ca ākoṭesuṃ , pattañca bhindiṃsu , saṅghāṭiñca vipphālesun ’’ ti .

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘ SaddhiṃV0.176 caramekato vasaṃ ,

Misso aññajanena vedagū ;

Vidvā pajahāti pāpakaṃ ,

Koñco khīrapakova ninnagan ’’ ti .

sattamaṃ ;

Issues

Select Version

Udānapāḷi

Udānapāḷi