8. Kaccānasuttaṃ
68. Evaṃ
V0.161 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .Tena kho pana samayena āyasmā mahākaccāno bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya kāyagatāya satiyā ajjhattaṃ parimukhaṃ sūpaṭṭhitāya .
Addasā kho bhagavā āyasmantaṃ mahākaccānaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya kāyagatāya satiyā ajjhattaṃ parimukhaṃ sūpaṭṭhitāya .
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ Yassa
P0.78 siyā sabbadā sati ,Satataṃ kāyagatā upaṭṭhitā ;
No
T0.203 cassa no ca me siyā ,Na bhavissati na ca me bhavissati ;
Anupubbavihāri tattha so ,
Kāleneva tare visattikan ’’ ti .
aṭṭhamaṃ ;