2. Dutiyalakuṇḍakabhaddiyasuttaṃ
62. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena āyasmā sāriputto āyasmantaṃ lakuṇḍakabhaddiyaṃ sekhaṃ [ sekkhoti ( syā .), sekhoti ( pī .)] maññamāno bhiyyosomattāya anekapariyāyena dhammiyā kathāya sandasseti samādapeti samuttejeti sampahaṃseti .
Addasā
M0.171 kho bhagavā āyasmantaṃ sāriputtaṃ āyasmantaṃ lakuṇḍakabhaddiyaṃ sekhaṃ maññamānaṃ bhiyyosomattāyaP0.75 anekapariyāyena dhammiyā kathāya sandassentaṃ samādapentaṃ samuttejentaṃ sampahaṃsentaṃ .Atha kho bhagavā
T0.199 etamatthaṃ viditvā tāyaṃ velāyaṃ imaṃ udānaṃ udānesi –‘‘ Acchecchi [ acchejji ( ka . sī .), acchijji ( ka . sī . syā .), achijji ( ka .)] vaṭṭaṃ byagā nirāsaṃ , visukkhā saritā na sandati ;
Chinnaṃ vaṭṭaṃ na vattati , esevanto dukkhassā ’’ ti .
dutiyaṃ ;