6. Taṇhāsaṅkhayasuttaṃ
66. Evaṃ
V0.160 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .Tena kho pana samayena
P0.77 āyasmā aññāsikoṇḍañño [ aññātakoṇḍañño ( sabbattha )] bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya taṇhāsaṅkhayavimuttiṃ paccavekkhamāno .Addasā kho bhagavā āyasmantaṃ aññāsikoṇḍaññaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya taṇhāsaṅkhayavimuttiṃ paccavekkhamānaṃ .
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ Yassa mūlaṃ chamā natthi , paṇṇā natthi kuto latā ;
Taṃ
T0.202 dhīraṃ bandhanā muttaṃ , ko taṃ ninditumarahati ;Devāpi naṃ pasaṃsanti , brahmunāpi pasaṃsito ’’ ti .
chaṭṭhaṃ ;