10. Uppajjantisuttaṃ
60. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Atha kho āyasmā ānando yena bhagavā tenupasaṅkami ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinno kho āyasmā ānando bhagavantaṃ etadavoca –
‘‘ Yāvakīvañca , bhante , tathāgatā loke nuppajjanti arahanto sammāsambuddhā
T0.196 tāva aññatitthiyā paribbājakā sakkatā honti garukatā mānitā pūjitā apacitā lābhino cīvarapiṇḍapātasenāsanagilānapaccayabhesajjaparikkhārānaṃ .Yato ca kho , bhante , tathāgatā loke uppajjanti arahanto sammāsambuddhā atha aññatitthiyā paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṃ .
Bhagavā yeva
P0.73 [ bhagavā ceva ( syā .)] dāni , bhante , sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ , bhikkhusaṅgho cā ’’ ti .‘‘ Evametaṃ
M0.169 , ānanda , yāvakīvañca , ānanda , tathāgatā loke nuppajjanti arahanto sammāsambuddhā tāva aññatitthiyā paribbājakā sakkatā honti garukatā mānitā pūjitā apacitā lābhino cīvarapiṇḍapātasenāsanagilānapaccayabhesajjaparikkhārānaṃ .Yato ca kho , ānanda , tathāgatā loke uppajjanti arahanto sammāsambuddhā atha aññatitthiyā paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṃ .
Tathāgatova [ tathāgato ceva ( syā .)] dāni sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ , bhikkhusaṅgho cā ’’ ti .
Atha
V0.156 kho bhagavā etamatthaṃ viditvā tāyaṃ velāyaṃ imaṃ udānaṃ udānesi –‘‘ Obhāsati
T0.197 tāva so kimi ,Yāva na unnamate [ uggamati ( sī .), unnamati ( syā .)] pabhaṅkaro ;
( Sa )[() natthi sī . syā . potthakesu ] verocanamhi uggate ,
Hatappabho hoti na cāpi bhāsati .
‘‘ Evaṃ obhāsitameva takkikānaṃ [ titthiyānaṃ ( sī . syā . pī .)],
Yāva sammāsambuddhā loke nuppajjanti ;
Na takkikā sujjhanti na cāpi sāvakā ,
Duddiṭṭhī na dukkhā pamuccare ’’ ti .
dasamaṃ ;
Tassuddānaṃ –
Āyujaṭilavekkhaṇā , tayo titthiyā subhūti ;
Gaṇikā upāti navamo , uppajjanti ca te dasāti .
Jaccandhavaggo chaṭṭho niṭṭhito .