9. Upātidhāvantisuttaṃ
59. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena bhagavā rattandhakāratimisāyaṃ abbhokāse nisinno hoti telappadīpesu jhāyamānesu .
Tena kho pana samayena sambahulā adhipātakā tesu telappadīpesu āpātaparipātaṃ anayaṃ āpajjanti , byasanaṃ āpajjanti [ natthi sīhaḷapotthake ], anayabyasanaṃ āpajjanti
M0.168 [ natthi sīhaḷapotthake ].Addasā kho bhagavā te sambahule adhipātake tesu telappadīpesu āpātaparipātaṃ anayaṃ āpajjante , byasanaṃ āpajjante , anayabyasanaṃ āpajjante .
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ Upātidhāvanti
V0.155 na sāramenti ,Navaṃ navaṃ bandhanaṃ brūhayanti ;
Patanti pajjotamivādhipātakā [… dhipātā ( sī . syā .)],
Diṭṭhe sute itiheke niviṭṭhā ’’ ti .
navamaṃ ;