9. Sippasuttaṃ

Author： _System_Pali_VRI_ @ Administrator

9. Sippasuttaṃ

29. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .

Tena kho pana samayena sambahulānaṃ bhikkhūnaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ sannipatitānaṃ ayamantarākathā udapādi –

‘‘ ko nu kho , āvuso , sippaṃ jānāti ?

Ko kiṃ sippaṃ sikkhi ?

Kataraṃ sippaṃ sippānaṃ aggan ’’ ti ?

Tatthekacce evamāhaṃsu –

‘‘ hatthisippaṃ sippānaṃ aggan ’’ ti .

Ekacce evamāhaṃsu –

‘‘ assasippaṃ sippānaṃ aggan ’’ ti .

Ekacce evamāhaṃsu –

‘‘ rathasippaṃ sippānaṃ aggan ’’ ti .

Ekacce evamāhaṃsu –

‘‘ dhanusippaṃ sippānaṃ aggan ’’ ti .

Ekacce evamāhaṃsu –

‘‘ tharusippaṃ sippānaṃ aggan ’’ ti .

Ekacce evamāhaṃsu –

‘‘ muddāsippaṃ sippānaṃ aggan ’’ ti .

Ekacce evamāhaṃsuV0.104 –

‘‘ gaṇanāsippaṃ sippānaṃ aggan ’’ ti .

Ekacce evamāhaṃsuP0.32 –

‘‘ saṅkhānasippaṃ sippānaṃ aggan ’’ ti .

Ekacce evamāhaṃsu –

‘‘ lekhāsippaṃ sippānaṃ aggan ’’ ti .

Ekacce evamāhaṃsu –

‘‘ kāveyyasippaṃ [ kābyasippaṃ ( syā .)] sippānaṃ aggan ’’ ti .

Ekacce evamāhaṃsu –

‘‘ lokāyatasippaṃ sippānaṃ aggan ’’ ti .

Ekacce evamāhaṃsu –

‘‘ khattavijjāsippaṃ sippānaṃ aggan ’’ ti .

Ayañcarahi tesaṃ bhikkhūnaṃ antarākathā hoti vippakatā .

Atha kho bhagavāT0.120 sāyanhasamayaṃ paṭisallānā vuṭṭhito yena maṇḍalamāḷo tenupasaṅkami ;

upasaṅkamitvā paññatte āsane nisīdi .

NisajjaM0.114 kho bhagavā bhikkhū āmantesi –

‘‘ kāya nuttha , bhikkhave , etarahi kathāya sannisinnā , kā ca pana vo antarākathā vippakatā ’’ ti ?

‘‘ Idha , bhante , amhākaṃ pacchābhattaṃ piṇḍapātapaṭikkantānaṃ maṇḍalamāḷe sannisinnānaṃ ayamantarākathā udapādi –

‘ ko nu kho , āvuso , sippaṃ jānāti ?

Ko kiṃ sippaṃ sikkhi ?

Kataraṃ sippaṃ sippānaṃ aggan ’ ti ?

‘‘ Tatthekacce evamāhaṃsu –

‘ hatthisippaṃ sippānaṃ aggan ’ ti .

Ekacce evamāhaṃsu –

‘ assasippaṃ sippānaṃ aggan ’ ti ;

ekacce evamāhaṃsu –

‘ rathasippaṃ sippānaṃ aggan ’ ti ;

ekacce evamāhaṃsu –

‘ dhanusippaṃ sippānaṃ aggan ’ ti ;

ekacce evamāhaṃsu –

‘ tharusippaṃ sippānaṃ aggan ’ ti , ekacce evamāhaṃsu –

‘ muddāsippaṃ sippānaṃ aggan ’ ti ekacce evamāhaṃsu –

‘ gaṇanāsippaṃ sippānaṃ aggan ’ ti ;

ekacce evamāhaṃsu –

‘ saṅkhānasippaṃ sippānaṃ aggan ’ ti ;

ekacce evamāhaṃsu –

‘ lekhāsippaṃ sippānaṃ aggan ’ ti ;

ekacce evamāhaṃsu –

‘ kāveyyasippaṃ sippānaṃ aggan ’ ti ;

ekacce evamāhaṃsu –

‘ lokāyatasippaṃ sippānaṃ aggan ’ ti ;

ekacce evamāhaṃsu –

‘ khattavijjāsippaṃ sippānaṃ aggan ’ ti .

Ayaṃ kho no , bhante , antarākathā hoti vippakatā , atha bhagavā anuppatto ’’ ti .

‘‘ Na khvetaṃ , bhikkhave , tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe evarūpiṃ kathaṃ katheyyātha .

SannipatitānaṃT0.121 vo , bhikkhave , dvayaṃ karaṇīyaṃ – dhammī vā kathā ariyo vā tuṇhībhāvo ’’ ti .

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘ AsippajīvīV0.105 lahu atthakāmo ,

Yatindriyo sabbadhi vippamutto ;

Anokasārī amamo nirāso ,

Hitvā mānaṃ ekacaro sa bhikkhū ’’ ti .

navamaṃ ;

Issues

Select Version

Udānapāḷi

Udānapāḷi

9. Sippasuttaṃ

9. Sippasuttaṃ

Issues

Select Version

Udānapāḷi

Udānapāḷi

9. Sippasuttaṃ

9. Sippasuttaṃ

Reading Settings